Երեթշաբթի, 20 Օգոստոսի 2019 11:24
Նաիրա Բադալյան

Փաշինյան. Խոշոր հարկատուները բյուջե վճարումներն ավելացրել են, ոմանք, նույնիսկ՝ 122 տոկոսով

Փաշինյան. Խոշոր հարկատուները բյուջե վճարումներն ավելացրել են, ոմանք, նույնիսկ՝ 122 տոկոսով

Արմինֆո.ՙ1000 խոշոր հարկատուների ցանկի վերին հորիզոնականներում տեղ զբաղեցրած, հանրային որոշակի հետաքրքրություն ներկայացնող ընկերությունների մեծ մասը 2019թ. առաջին կիսամյակում, նախորդ տարվա նույն ժամանակահատվածի համեմատ, զգալիորեն ավելացրել է պետական բյուջե վճարված հարկերի ընդհանուր մեծությունը՚, - ՙՖեյսբուքի՚ իր էջում գրել է վարչապետ Նիկոլ Փաշինյանը:

 

ՙՄասնավորապես, «Ֆլեշ» ընկերությունը 2019-ի առաջին կիսամյակում, նախորդ տարվա առաջին կիսամյակի համեմատությամբ վճարել է 2.8 մլրդ դրամով կամ 58%-ով ավելի հարկ, «Յուքոմ» ընկերությունը վճարած հարկերի ծավալը գերազանցել է 1 մլրդ դրամով կամ 26%-ով, «Նատալի Ֆարմ» ընկերությունը` 0.7 մլրդ դրամով կամ 37%-ով, «Սպայկա» ընկերությունը` 1.4 մլրդ դրամով կամ 117%-ով, «Սաս-Գրուպ» ընկերությունը` 0.9 մլրդ դրամով կամ 82%-ով, «Մաքս Պետրոլ» ընկերությունը` 2.2 մլրդ դրամով կամ 122%-ով, «Զանգեզուրի պղնձամոլիբդենային կոմբինատը»` 4.9 մլրդ դրամով կամ 20%-ով, «Գազպրոմ Արմենիա» ընկերությունը` 2.1 մլրդ դրամով կամ 10%-ով, «Հայաստանի էլեկտրական ցանցեր» ընկերությունը` 1.3 մլրդ դրամով կամ 20%-ով՚, - գրել է  վարչապետը, հիշեցնեկով, որ այս տարվա առաջին կիսամյակում հազար խոշոր հարկ վճարող ընկերությունները նախորդ տարվա նույն ժամանակահատվածի համեմատ պետական բյուջե ավել են վճարել 14.3 տոկոսով կամ 64 միլիարդ դրամով ավել գումար

 

Ավելի վաղ ԱրմԻնֆո գործակալությունը հաղորդել էր, որ Հայաստանի 1000 խոշորագույն հարկատուները 2019 թվականի հունվար-հունիս ամիսներին պետբյուջե են վճարել ավելի քան 511 մլրդ դրամ՝ 2018 թվականի նույն ժամանակահատվածի 446 մլրդ դրամի դիմաց: Պետեկամուտների կոմիտեի տվյալների համաձայն՝ 2018 թվականի առաջին կիսամյակի համեմատ խոշոր հարկ վճարողների վճարած հարկերի ծավալն ավելացել է 64.4 մլրդ դրամով կամ 14.4% - ով: Առաջին տասը խոշոր հարկատուները միասին պետբյուջե են վճարել 131.4 մլրդ դրամ կամ երկրի 1000 խոշոր հարկատուների վճարած հարկերի մոտ 26 տոկոսը:

 

Հայաստանի ամենախոշոր հարկատուն "Զանգեզուրի պղնձամոլիբդենային կոմբինատ" արդյունահանող ընկերությունն է, որն այս տարվա առաջին վեց ամիսների ընթացքում պետությանը վճարել է 29.5 մլրդ դրամ։  Այս ընկերությունը 2018 թվականի առաջին կիսամյակի համեմատ մոտ 4.9 մլրդ դրամով կամ 19.7% - ով ավելի հարկ է վճարել։   Երկրորդ խոշոր հարկատուն ծխախոտի արտադրությամբ զբաղվող "Գրանդ Տոբակո" ընկերությունն է, որի վճարած հարկերի ծավալը կազմել է 28.2 մլրդ դրամ։ Նախորդ տարվա առաջին կիսամյակի համեմատ այս ցուցանիշն աճել է 11.6 մլրդ դրամով կամ 69.3% - ով: Խոշոր հարկատուների եռյակը եզրափակում է "Գազպրոմ Արմենիան", որը պետբյուջե է փոխանցել 22.7 մլրդ դրամ, ինչը 2 մլրդ-ով կամ 9.9% - ով գերազանցում է նախորդ տարվա ցուցանիշը: Չորրորդ տեղում է ծխախոտի մեկ այլ ընկերություն ՝ "Ինտերնեյշնլ Մասիս Տաբակը", որն այս տարվա առաջին կիսամյակում պետբյուջե է փոխանցել 9.4 դրամ: Նախորդ տարվա նույն ժամանակահատվածի համեմատ այս ցուցանիշն աճել է 3.6 մլրդ դրամով կամ 61.9% - ով: Ցուցակում 5-րդ տեղում է "GeoProMining Gold" արդյունահանող ընկերությունը՝ 9.1 մլրդ դրամով։  Ընկերության վճարած հարկերի աճը կազմել է 256 մլն դրամ կամ 2.8%: 6 - րդ տեղում "Հայաստանի էլեկտրական ցանցեր" ՓԲԸ-ն է, որը պետբյուջե է փոխանցել 7.7 մլրդ դրամ: Այս ընկերության կողմից վճարված հարկերի ծավալը 2018 թվականի առաջին կիսամյակի համեմատ աճել է 1.3 մլրդ դրամով կամ 19.5% - ով: Հաջորդ խոշոր հարկատուն բենզինի առևտրով զբաղվող "Ֆլեշ" ընկերությունն է, որն այս տարի պետությանը վճարել է 7.6 մլրդ դրամ, ինչը նախորդ տարվա նույն ժամանակահատվածի համեմատ ավելի է 2.8 մլրդ դրամով կամ 57% - ով։  Ութերորդ հորիզոնականում "Աքվիլոն Թրեյդ" ընկերությունն է, որը պետբյուջե է փոխանցել 6.5 մլրդ դրամ ՝ նախորդ տարվա 0.7 մլրդ դրամի դիմաց։  Այնուհետև գալիս է ծխախոտի մեկ այլ ընկերություն՝ "Ֆիլիպ Մորիս Արմենիան" ՝ 5.1 մլրդ դրամ։  Այս ցուցանիշը նախորդ տարվա համեմատ նվազել է մոտ 3 մլրդ դրամով կամ 36.5% - ով ։  Հայաստանի ամենախոշոր հարկատուների տասնյակը 5.1 մլրդ դրամով եզրափակում է "Արմենիա "միջազգային օդանավակայաններ" ընկերությունը, որի կողմից վճարված հարկերի աճը կազմել է 2.3 մլրդ դրամ կամ 80.3%։

ԱՎԵԼԱՑՆԵԼ ՄԵԿՆԱԲԱՆՈՒԹՅՈՒՆ
Ներմուծեք թվանշաններն     


Նորություններ


Արտ. փոխարժեքները
03.07.2020
RUB6.81-0.07
USD483.840.48
EUR543.30-2.17
GBP602.38-2.59
CAD356.470.82
JPY45.020.03
CNY68.500.00
CHF511.13-1.18



Փնտրել ըստ օրերի

Պետական պարտատոմսեր

Issue volume

10 billion

Volume of T-bills for placement

200 million

Volume of submitted competitive applications

200 million

Volume of satisfied bids

200 million

Yield at cut-off price

 5.8314%

Maximum yield

 5.8314%

Мinimum yield

 5.8314%

Weighted average yield

 5.8314%

Number of participants

2

The maturity date of T-bills

03.02.2020

ArmEx

 

СПРОС (Покупка)

USD

Средневзв. Цена

482,00

ПРЕДЛОЖЕНИЕ (Продажа)

  USD

Средневзв. Цена

-

СДЕЛКИ

USD

Цена откр.

482,00

Цена закр.

482,00

Мин. Цена

482,00

Макс. Цена

482,00

Ср/взв. Цена

482,00

-0,16

Кол-во сделок

1

Объем (инвал.)

200 000

0бъем (драм)

96 400 000