Երկուշաբթի, 23 Սեպտեմբերի 2019 12:44

Արմինֆո. Օրերս փոխվարչապետ Տիգրան Ավինյանն ընդունել է իսպանական Ուրբասեր ընկերության կառավարման խորհրդի անդամ, ֆրանսիական «Électricité de France» ընկերության նախկին գործադիր տնօրեն Անրի Պրոգլյոյի ղեկավարած պատվիրակությանը:

 

Ինչպես ԱրմԻնֆո-ին հաղորդեցին կառավարության տեղեկատվության և հասարակայնության հետ կապերի վարչությունից, հանդիպման ընթացքում փոխվարչապետը անդրադարձել է վերջին մեկուկես տարվա ընթացքում Հայաստանում տեղի ունեցած քաղաքական և տնտեսական հիմնարար փոփոխություններին և բարեփոխումներին, տնտեսական աճի տեմպին, բիզնես և ներդրումային միջավայրի բարելավմանը, ներդրողների հետ կառավարության կողմից տարվող աշխատանքին:

Ուրբասերի միջազգային բիզնեսի ղեկավար Ռամոն Ռեբուելտան ներկայացրել է ընկերության գործունեության ոլորտները՝ նշելով, որ բացի Իսպանիայից իրենք աշխատում են աշխարհի 22 երկրում։ Անրի Պրոգլյոն ասել է, որ հետաքրքված են հայկական շուկա մուտք գործելու հնարավորությամբ:

 

Հանդիպման ընթացքում զրուցակիցները քննարկել են աղբահանության և թափոնների կառավարման, տրանսպորտի և էներգետիկ ենթակառուցվածքների ոլորտներում համագործակցության  հեռանկարները։

 

Նշենք, որ ՀՀ վիճակագրական կոմիտեի տվյալներով, Հայաստանի տնտեսությունում Իսպանիայի ընդհանուր կուտակած ներդրումները հունիսի 1 - ի դրությամբ կազմել են 3.6 մլն դոլար, որից 2.8 մլն դոլարը՝ ՕՈՒՆ: վերջին մեկուկես տարվա ընթացքում Հայաստանի տնտեսությունում իսպանական ներդրումներ չեն արձանագրվել:

 

Հայաստանի և Իսպանիայի միջև առևտրաշրջանառությունը 2019 թվականի հունվար-հուլիսին կրճատվել է 15.1% - ով ՝ մինչև 18.9 մլն դոլար: Արտահանումը ցույց է տվել 22.1% աճ ՝ կազմելով ընդամենը 384.5 հազ. դոլար, ներմուծումը 15.6% - ով կրճատել է՝ մինչև 18.5 մլն դոլար: 2018 թվականի ընթացքում երկրների միջև արտաքին առևտրաշրջանառությունն աճել է 0.8% - ով ՝ մինչև 37.2 մլն դոլար: Ընդ որում արտահանումը նվազել է 77% մինչև  393.9 հազար դոլար՝ ներմուծման  4,6%, մինչև 36.8մլն դոլար աճի ֆոնին:

 

Urbaser-ը բնապահպանական կառավարման համաշխարհային առաջատար է, գլոբալ ընկերություն, որը կենտրոնացած է կայուն զարգացման վրա և գործունեություն է ծավալում աշխարհի 22 երկրներում, ունի ՝ ավելի քան 40 000 աշխատակիցների եւ ավելի քան 160 դուստր ընկերությունների հսկայական ցանց  աշխարհի տարբեր երկրներում: Ընկերությունը զբաղվում է սանմաքրման աշխատանքներով աշխարհի 880 տարբեր քաղաքներում և մունիցիպալիտետներում, կառավարում է կանաչ տարածքները ։  Urbaser վերամշակում է ավելի քան 23 մլն տոննա քաղաքային պինդ թափոններ մեկ տարվա ընթացքում, եւ պահպանում է մաքրություն ավելի քան 45,000 կիլոմետր փողոցներում ամբողջ աշխարհում: Այդ ոլորտում զբաղված է ավելի քան 20 000 մարդ, որոնք սպասարկում են ավելի քան 59 մլն քաղաքացիների։  Միայն Իսպանիայում ընկերությունը լիովին կամ մասնակիորեն սպասարկում է աղբահանությունը 50 քաղաքներում, այդ թվում՝ Մադրիդում և Բարսելոնայում։  2018 թվականին ընկերության շրջանառությունը կազմել է մոտ 1.9 մլրդ եվրո։