Արմինֆո. Ավարտական փուլում են Վարդենիս-Ջերմուկ մայրուղային գազատարի կապիտալ վերանորոգման շինհավաքակցման աշխատանքները, որոնք իրականացվում են «Գազպրոմ Արմենիա» ՓԲԸ-ն 2019 թ. Կապիտալ վերանորոգման ծրագրի շրջանակում:
Ինչպես հաղորդում է ընկերության հասարակայնության և զանգվածային լրատվության միջոցների հետ կապերի ծառայությունը, 325 մմ տրամագծով և 45,75 կմ երկարությամբ գազատարը շահագործման էր հանձնվել 1977 թվականին: 2017 թվականին «Գազպրոմ Արմենիա» ՓԲԸ-ն մասնագետները անցկացրին Վարդենիս-Ջերմուկ մայրուղային գազատարի համալիր ախտորոշման հետազոտություն, որի արդյունքներով իրականացվում են հետևյալ աշխատաքները. կապիտալ վերանորոգում խողովակի փոխարինմամբ` 1.8 կմ ընդհանուր երկարությամբ հատվածներում, 5.02 կմ ընդհանուր երկարությամբ հակակոռոզիոն մեկուսիչ ծածկույթի վերականգնում՝ անհրաժեշտության դեպքում խողովակի խոտանումով, ավտոճանապարհի անցումների վերանորոգում գազատարի չորս հատվածներում:
Բացի այդ, Հայաստանի սպառողների հուսալի և անխափան գազամատակարարման մակարդակը բարձրացնելու նպատակով, ինչպես նաև աշուն-ձմեռ ժամանակահատվածին նախապատրաստական աշխատանքների շրջանակում կատարվել են համալիր շինհավաքակցման և կապիտալ վերանորոգման աշխատանքներ հանրապետության գազափոխադրման համակարգի օբյեկտներում:
"Գազպրոմ Արմենիա" ՓԲԸ-ն ("Գազպրոմ" ԲԲԸ-ի 100% դուստր կառույց) իրականացնում է ներքին բնական գազի մատակարարում և իրացում Հայաստանի Հանրապետության շուկայում: Ընկերության կառուցվածքում ընդգրկված են տարածքային սկզբունքով կազմակերպված գազաֆիկացման եւ գազամատակարարման 15 մասնաճյուղեր, "Ինժեներական կենտրոն" մասնաճյուղը, 5 դուստր ընկերություններ, ինչպես նաեւ "Հրազդան-5" եւ "Ուսումնամարզական համալիր" հիմնարկները: Գազպրոմ Արմենիա " ՓԲԸ-ն հանդիսանում է հանրապետության խոշորագույն գործատուներից մեկը: "Գազպրոմ Արմենիա" ՓԲԸ-ն իր առաքելությունը տեսնում է հանրապետության սպառողներին բնական գազի հուսալի, արդյունավետ և անխափան մատակարարման, ինչպես նաև ընկերության երկարաժամկետ և պլանաչափ զարգացման մեջ՝ իր և ընկերության կառուցվածքի մեջ մտնող ընկերությունների գործունեության հետագա դիվերսիֆիկացման միջոցով:
"Գազպրոմ Արմենիա" ՓԲԸ-ի ռազմավարական նպատակն է ստեղծել տարածաշրջանային նշանակության գազաէներգետիկ ընկերություն, որն ակտիվ մասնակցություն է ապահովում էներգետիկ նախագծերին ինչպես ներքին, այնպես էլ արտաքին շուկաներում: