Արմինֆո.<Միջազգային մամուլը շարունակում է բարձր գնահատականներ հնչեցնել մեր կառավարության տնտեսական քաղաքականության եւ բարեփոխումների մասին>,-Ֆեյսբուքի իր էջում գրել է վարչապետ Նիկոլ Փաշինյանը:
<Քաղաքական նոր իմիջի կողքին ձեւավորվում է մեր երկրի տնտետական նոր իմիջը՝ Հայաստանը ի ցույց դնելով որպես ներդրումների համար գրավիչ երկիր, որով հետաքրքրված են միջազգային ներդրողները>,- գրել է նա՝ հրապարակելով ՆԱՍԴԱՔ-ի կայքում հրապարակված Reuters-ի հոդվածը Հայաստանի տնտեսական բարեփոխումների մասին:
Նախօրեին ԱրմԻնֆո-ն հայտնել էր nasdaq.com կայքում Reuters-ի <Economic reforms put Armenia on radar of yield-hungry investors> խորագրով հոդվածի հրապարակման մասին: Ինչպես գտնում են հոդվածի հեղինակները, միջազգային շուկաներում հայկական սուվերեն բոնդերի գնման առաջարկի նկատմամբ պահանջարկի քառապատիկ գերազանցումը վկայում է ներդրողների շրջանում նախկին սովետական փոքրիկ երկրի վերագտած ողջ հմայքի մասին:Նշվում է, որ նախորդ տարի, երբ խաղաղ ցույցերի արդյունքում ձեւավորվեց բարեփոխումներին ուղղված կառավարություն, Հայաստանի տնտեսությունը սկսեց զարգանալ ավելի արագ, քան նավթի պաշարներ ունեցող հարեւան Ադրբեջանում: Ինչպես Reuters-ի հետ զրույցում նշել է <ՎՏԲ Կապիտալ> -ի ֆիքսված եկամտի ռազմավար Իգոր Ռապոխինը, հայկական պարտատոմսերն այս տարի գերազանցեցին իրենց տարածաշրջանային գործընկերներից շատերին, ինչը նշան է այն բանի, որ դրանք գնած ներդրողները ակնհայտորեն վստահում են անցկացվող բարեփոխումներին: < 2018-ի հեղափոխությունից հետո հույսեր են ձեւավորվել, որ նոր կառավարությունը վճռականորեն շարժվելու է կառուցվածքային բարեփոխումների ճանապարհով և, մասնավորապես՝ պայքարելու է կոռուպցիայի դեմ>,- հայտարարել է
եվրոպացի տնտեսագետ Լիզա Երմոլենկոն Routers-ին: Տնտեսագետը կարծում է, որ կառավարությունն առայժմ ճիշտ ուղղությամբ է գնում. <այս տարվա սկզբին ընդունված կառավարության ծրագիրը դրա օրինակն է>:
Ավելի վաղ ԱրմԻնֆո-ն հայտնել էր, որ միջազգային շուկաներում հայկական սուվերեն բոնդերի գնման հայտերի ծավալը կազմել է 2.5 մլրդ դոլար: Թողարկման կազմակերպիչը հայտագիրքը բացել է սեպտեմբերի 19-ին ,երբ հայտարարվեց 500 մլն դոլար գումարի 10-ամյա եվրաբոնդերի տեղաբաշխման մեկնարկի մասին՝ տարեկան 4.625 տոկոս եկամտաբերությամբ: Առաջարկի նկատմամբ պահանջարկի՝ 5 անգամ էական գերազանցությունը հանգեցրել է եկամտաբերության տոկոսադրույքի՝ մինչև տարեկան 4.2% նվազման, իսկ արժեկտրոնային տոկոսադրույքը (Coupon Rate) կազմել է 3.95%: