Ուրբաթ, 20 Դեկտեմբերի 2019 16:36

Արմինֆո.2020 թվականին Հայաստանը նախատեսում է ներգրավել 171,6 մլրդ դրամ կամ 360,2 մլն դոլար (ամերիկյան դոլարի հաշվարկային փոխարժեքը Հայկական դրամի նկատմամբ 476,46): Այս մասին Արմինֆո-ի թղթակցին հաղորդել է ՀՀ ֆինանսների նախարարության պետական պարտքի կառավարման վարչության հաշվառման և սպասարկման բաժնի պետ Արտակ Մարությանը:

 

Ընդ որում, ըստ Մարությանի, ներգրավումների ողջ ծավալն իրականացվելու է նպատակային վարկային ծրագրերի գծով: Ինչպես հիշեցրել է Ֆինանսների նախարարության ներկայացուցիչը, 2020-2022 թվականների միջնաժամկետ ծախսերի ծրագրում ամրագրված քաղաքականության շրջանակում հանրապետությունը միջնաժամկետ հեռանկարում չի ծրագրում ներգրավել բյուջետային աջակցության վարկեր, ինչը աննախադեպ փաստ է, առնվազն, վերջին 10-ամյակում:

 

Այսպես, "2020 թվականի պետական բյուջեի մասին" օրենքի համաձայն, բյուջեի դեֆիցիտը կկազմի 160,7 մլրդ դրամ կամ ՀՆԱ-ի 2,3%։  Դեֆիցիտը կֆինանսավորվի արտաքին աղբյուրներից՝ 211,2 մլրդ դրամի չափով, և ևս 50,5 մլրդ դրամ ՝ ներքին ռեսուրսների հաշվին։

 

Արտաքին վարկերի գծով պետբյուջեի դեֆիցիտի ֆինանսավորման համար ճանապարհաշինության ոլորտը կստանա 114 մլն դոլար, էներգետիկայի ոլորտը՝ 58,3 մլն դոլար, որից ՀԱԷԿ-ի վերականգնման ծրագրին կուղղորդվի 31,3 մլն դոլար: Ուշագրավ է, որ պետական հատվածի բարեփոխման տարբեր ծրագրերին հաջորդ ֆինանսական տարում կուղղորդվի ողջ 55,5 մլն դոլարը, իսկ կրթությունը եւ սոցիալական ոլորտները միասին կստանան 43 մլն դոլար, գյուղատնտեսությունը եւ ոռոգումը՝ 51,4 մլն դոլար, ոռոգումը՝ 19,1 մլն, իսկ սանմաքրումը՝ 15,6 մլն դոլար:

 

Ընդ որում, մասնագետի խոսքով, նախատեսված փոխառությունների 26,6 տոկոսը բաժին կընկնի Ասիական զարգացման բանկի (ADB) վարկերին, 23,9 տոկոսը՝ ՀԲ - ին (ՎԶՄԲ եւ զարգացման միջազգային ասոցիացիան), 7,9 տոկոսը սպասվում Է ՎԶԵԲ-ից (EBRD), 9,8 տոկոսը ՝ ԵՆԲ-ից (EIB), 4,1 տոկոսը ՝ ԵԱԶԲ-ից: Ռուսական վարկերի տեսակարար կշիռը կկազմի 16,2 տոկոս, Ֆրանսիան կտրամադրի ներգրավումների 2,8 տոկոսը, 7,6 տոկոսը սպասվում է KFW-ից: Նախատեսված ներգրավումների գրեթե կեսը՝ 49,7 տոկոսը, սպասվում Է ամերիկյան արժույթով տրամադրվող վարկերի գծով, 36,7 տոկոսը ՝ եվրոյով, եւ 13,6 տոկոսը ՝ SDR - ով: Դրանց 56.6% - ը լողացող տոկոսադրույքով:

 

2020 թվականի արդյունքներով, ինչպես սպասվում է, Հայաստանի ամենախոշոր արտաքին վարկատուները կառավարության 4,4 մլրդ դոլարի պարտքի գծով շարունակում են մնալ Համաշխարհային բանկը (WB), որին բաժին է ընկնում արտաքին վարկերի 40,4 տոկոսը' ի դեմս Զարգացման միջազգային ասոցիացիայի (IDA), եւ Համաշխարհային բանկի խմբի մեկ այլ անդամի' Վերակառուցման եւ զարգացման միջազգային բանկի (IBRD): Խոշոր վարկատուների ցուցակում են նաեւ Ասիական զարգացման բանկը (ADB)՝ 18,7%, Եվրասիական զարգացման բանկը (ԵԱԶԲ)՝ 7,3% եւ Եվրոպական ներդրումային բանկը՝ 3,5%:

 

Ինչպես սպասվում է, 2020 թվականի վերջին Հայաստանի արտաքին վարկերի գծով չպահանջված մնացորդը կկազմի 940 մլն դոլար: 2019 թվականի հոկտեմբերի 30-ի դրությամբ ցուցանիշը եղել է 1,43 մլրդ դոլարի մակարդակկկկում: Հաջորդ տարվա արդյունքներով վարկերի չյուրացված մասի գծով  31%-ը բաժին կհասնի KFW- ի (290 մլն դոլար) վարկերին, ԱԶԲ-ի վարկերին՝ 22% կամ 200 մլն դոլար, ԵԱԶԲ-ին՝ 17% կամ 170 մլն դոլար, ՎԶՄԲ-ին՝ 24% կամ 130 մլն դոլար եւ ռուսական վարկերը՝ 7 տոկոս կամ 70 մլն դոլար: