Արմինֆո.ՀՀ էկոնոմիկայի նախարարությունը հաջորդ տարվանից բարձրացնում է ՓՄՁ սկսնակ ներկայացուցիչների համար վարկային երաշխիքների շեմը՝ նախկին 5 մլն դրամից մինչեւ 7 մլն դրամ: Այդ մասին դեկտեմբերի 20 - ին մամուլի ասուլիսի ժամանակ հաղորդել է էկոնոմիկայի փոխնախարար Նաիրա Մարգարյանը։
Ըստ նրա, պայմանները մնացել են նույնը ՝ վարկային երաշխիքների տարեկան տոկոսադրույքը կազմում է 10 տոկոս, իսկ մարման ժամկետը՝ 5 տարի։ "Շեմը մինչեւ 7 մլն բարձրացնելու անհրաժեշտությունն առաջացել է մեր կողմից իրականացված վերլուծության արդյունքների եւ հենց ՓՄՁ սուբյեկտների խնդրանքի հիման վրա։ Իսկ նախաձեռնությունը հաջողվել է իրականացնել առևտրային բանկերի հետ երկարատև բանակցային գործընթացի շնորհիվ", - նկատել է Մարգարյանը, նշելով, որ վերջիններիս հետ պայմանավորվածության շրջանակներում ռիսկերը հավասարապես կբաժանվեն (50/50), մինչդեռ ավելի վաղ Էկոնոմիկայի նախարարությունն ամբողջությամբ իր վրա էր վերցնում բոլոր ռիսկերը։
Ինչպես նշել է փոխնախարարը, այս տարի 5 մլն դրամի (միջին) վարկային երաշխիքներ են ստացել շուրջ 74 ընկերություններ: Հաջորդ տարի նախատեսվում է եռապատկել ինչպես ՓՄՁ-ների քանակը, այնպես էլ վարկային երաշխիքների պորտֆելը ։ "Ընթացիկ տարվա դրությամբ պորտֆելը կազմում է 1.8 մլրդ դրամ", - ասել է նա:
Փոխնախարարը նաև նշել է, որ հիմնական կողմնորոշիչն ուղղված է Հայաստանի մարզերում աշխատող ՓՄՁ սուբյեկտներին՝ հազվադեպ բացառությամբ։ Այն դեպքում, եթե մայրաքաղաքային նախագիծը հետաքրքիր լինի Էկոնոմիկայի նախարարության համար, նա պատրաստ է ընդգրկել շահառուների ցուցակում։ "Մենք վարկային երաշխիքներ ենք տրամադրում այն ՓՄՁ-ներին, որոնք վերապատրաստում կանցնեն, իսկ նրանց կողմից ներկայացված բիզնես-ծրագրերը իրատեսական կլինեն", - նկատել է նա:
RUB | 4.23 | 0.01 |
USD | 387.32 | -0.31 |
EUR | 416.10 | 1.18 |
GBP | 486.40 | 1.36 |
CAD | 283.52 | 1.05 |
JPY | 25.30 | 0.30 |
CNY | 53.49 | -0.04 |
CHF | 426.85 | 1.63 |