Արմինֆո.Հայաստանում անհրաժեշտ է արմատապես փոխել մեկ անձից պետական գնումների համակարգի կիրառման արատավոր պրակտիկան, փետրվարի 21-ին խորհրդարանական լսումների շրջանակում լրագրողներին հայտնել է <Բարգավաճ Հայաստան> խմբակցության պատգամավոր Սերգեյ Բագրատյանը ։
Նրա խոսքով ՝ ներկայումս հայտամրցույթներին, որպես կանոն, մասնակցում են փոխկապակցված անձինք։ Պետության ներկայացուցիչը նախապես պայմանավորվում է տնտեսվարող սուբյեկտի հետ ապրանքների և ծառայությունների առարկայի վերաբերյալ, որից հետո հարցը մրցույթի է դնում՝ արդեն <համաձայնեցված> անվանացանկով։ Այս արատավոր պրակտիկայի կիրառման հետևանքով ավելի ու ավելի հաճախ են ի հայտ գալիս շուկայում գերիշխող սուբյեկտներ: Պատգամավորն ընդգծել է, որ պետական գնումների հարցը, մաքսային և հարկային վարչարարության հետ մեկտեղ, տնտեսական հեղափոխության իրականացման կարևորագույն պայմաններից է: Եվ այդ համատեքստում նա կոչ է արել հրաժարվել մեկ անձից ապրանքների և ծառայությունների ձեռքբերման՝ ոչ պակաս արատավոր պրակտիկայից։ <Ի՞նչ է կատարվում իրականում։ Հայտարարվում է մրցույթ, որի ընթացքում հաղթող չի ճանաչվում, ինչի արդյունքում գնումներն իրականացվում են մեկ անձից>, - հայտարարել է պատգամավորը ՝ կոչ անելով արմատապես վերանայել գործող օրենսդրության դրույթները:
Նշենք, որ խորհրդարանական լսումների ժամանակ ՀՀ ֆինանսների նախարար Ատոմ Ջանջուղազյանը տեղեկացրել է նորամուծությունների մասին, որոնցից մեկը կլինի պետության ներկայացուցչից գնումների հարցի՝ բանկային համակարգ տեղափոխումը:
RUB | 4.19 | -0.01 |
USD | 395.10 | -0.14 |
EUR | 420.39 | 0.41 |
GBP | 492.14 | 0.22 |
CAD | 286.14 | -0.33 |
JPY | 25.55 | -0.01 |
CNY | 54.58 | -0.02 |
CHF | 433.51 | 0.65 |