Արմինֆո.2019 թվականին Հայաստան նավթամթերքի ներմուծման ծավալն աճել է 19 տոկոսով՝ 2018 թվականի 4,6 տոկոսով անկման դիմաց՝ կազմելով 393.2 հազար տոննա: Ինչպես վկայում են Հայաստանի Մաքսային ծառայության տվյալները, արժեքային արտահայտությամբ նույնպես արձանագրվել է 6,9 տոկոս աճ ' գերազանցելով 297 մլն դոլարը:
Հայաստանի ներմուծման շուկաների առաջատար 5-յակում են Ռուսաստանը՝ մասնաբաժնի 63,7 տոկոսից մինչև 72,1 տոկոս ավելացմամբ, Իրանը (2018 թվականի 1,5 տոկոսից մինչեւ 11,5 տոկոս ՝ 2019թ.), Թուրքիան (7,8 տոկոս մասնաբաժնով), որոնց հետևում են Իտալիան (2,6 տոկոս) եւ Ռումինիան (1,8 տոկոս): Հաշվետու ժամանակահատվածում Հայաստանը նավթամթերք է ներկրել նաեւ Վրաստանից, Լիտվայից, Հունաստանից, Գերմանիայից, Նիդերլանդներից, Բելառուսից, Լեհաստանից, Միացյալ Թագավորությունից, Բելգիայից, Իրաքից, Ուկրաինայից, Չինաստանից եւ այլն:
Ըստ աղբյուրի, հաշվետու տարում նավթի արտահանումը 2018 թվականի 1.2 տոննայից աճել է մինչև 458.9 տոննա 2019թ.: Արժեքային արտահայտությամբ արտահանումը, համապատասխանաբար, ավելացել է մի քանի անգամ՝ կազմելով 322.5 հազար դոլար: Հայաստանից նավթամթերքի արտահանման գրեթե ողջ ծավալը (98.7%) բաժին է ընկել իրանական շուկային, մնացած ծավալը բաշխվել է Վրաստանի և Ռուսաստանի միջև:
Նշենք, որ այսօր միջազգային շուկաներում նավթի գինը նվազել է միջինը 30 տոկոսով ՝ հասնելով բարելի դիմաց 32,6 դոլարի։
