Արմինֆո.Վարկային մարժինալության կրճատման բարդ պայմաններում, հաճախորդային բազայի պակասի պարագայում, բանկային շուկայում վերջին տարվա նկատելի երեւույթ կարելի է համարել Armenian Card ազգային համակարգի շուկայական դիրքերի վերականգնումը: Այս մասին ասվում է ԱրմԻնֆո գործակալության կողմից պատրաստված`<Հայաստանի բանկերը քարտային բիզնեսում> հերթական հոբելյանական ՝ թվով 20-րդ վերլուծական տեղեկագրում: Տեղեկագիրը թողարկվում է տարին երկու անգամ:
Ինչպես նշվում է ուսումնասիրության մեջ, թողարկվող ակտիվ լոկալ քարտերի քանակը վերջին տարվա ընթացքում աճել է գրեթե 14 տոկոսով, իսկ դրանց ընդհանուր թիվը, ստագնացիոն աճի երկար շրջանից հետո, կրկին մոտեցել է 40 տոկոս բաժնին, ինչը բարձր է միջազգային վճարային համակարգերի ակտիվ քարտերի թվից՝ առանձին վերցրած: ArCa ազգային քարտերի աշխուժացումը, վերլուծաբանների կարծիքով, կարելի է կապել մի քանի հիմնական գործոնների հետ ՝ ցածր էմիսիոն ծախքերի, սպառողական վարկավորման ժամանակ հարմարության՝ որպես գործիք, այդ թվում ՝ որպես նվեր քարտ, Armenian Card միասնական վճարային համակարգի կողմից հավաստագրված չիպային տեխնոլոգիաների ներդրման հետ և, ինչը ոչ պակաս կարևոր է, ՄԻՐ ռուսական վճարային համակարգի հետ միջհամակարգային փոխգործակցության շնորհիվ արտասահմանյան շուկաներ դուրս գալու շնորհիվ:
Ինչպես նշվում է տեղեկագրում, ցածր տոկոսադրույքների քաղաքականությունը դեռեւս չի կարողացել աշխուժացնել կորպորատիվ վարկավորման շուկան, սակայն էապես բարձրացրել է բանկերի ակտիվությունը մանրածախ վարկային հատվածում (մինչեւ 30 տոկոս), ինչն ազդել է պլաստիկ քարտերի բիզնեսի հետագա քանակական եւ որակական աճի վրա: Սակայն, նոր հաճախորդների սահմանափակությունը՝ ինչպես կորպորատիվ, այնպես էլ մանրածախ հատվածներում, անփոփոխ է թողել ակտիվ բանկային քարտերի քանակական աճի տեմպերը՝ միջինը տարեկան 17%-ով: Ըստ ամենայնի, երկրի բանկային համակարգն արդեն հաղթահարել է ցածր բազայի էֆեկտը, և քարտերի քանակի հետագա աճի դինամիկան կախված կլինի տնտեսական ակտիվությունից, երկրում համախառն պահանջարկի վիճակից եւ բնակչության եկամուտների բարձրացումից:
Այսօրվա պայմաններում բնակչության գերվարկավորված լինելու պայմաններում էական քանակական տեղաշարժեր ակնկալել պետք չէ։
Չնայած ինտերնետային առևտրի ակտիվության որոշակի նվազմանը՝ ցածր բազայի էֆեկտի եւ բանկերի կողմից դրա ակտիվացման համար տեխնոլոգիական լուծումների եւ սեփական նորարարությունների զգալի ներդրմամբ պայմանավորված սկզբնական բումի հահեմատ, ըստ ամենայնի, այդ բիզնեսի ծավալների աճի տեմպերն այժմ կլինեն տարեկան 20-25% միջակայքում ՝ հաշվի առնելով այն սահմանափակումները, որոնք ներդրվում են ԵԱՏՄ-ի կողմից ռեգուլյատիվ մաքսային միջոցների շրջանակներում:
Եվ, այնուամենայնիվ, դեռևս բանկային քարտերը մնում են գերիշխող գործիք՝ էլեկտրոնային վճարումների միջազգային համակարգերին երկրի թույլ ինտեգրման ֆոնին:
2020 թվականին, տնտեսության ընդհանուր վիճակի (միջազգային կազմակերպությունների կողմից կանխատեսվող ՀՆԱ աճի տեմպերի նվազման) եւ բանկային համակարգի նկատմամբ զուսպ լավատեսության պայմաններում, մասնավորապես, եկամտաբերության անկման ռիսկերի առկայության պատճառով, պլաստիկ շուկայում էական ակտիվացում ակնկալել չարժե: Շուկան, ամենայն հավանականությամբ, միջնաժամկետ հեռանկարում էլ կպահպանի կողային թրենդը, որի դրայվերներ կհանդիսանան խոշոր եւ առավել նորարարական բանկերը:
Նշենք, որ Հայաստանի Կենտրոնական բանկի տվյալներով, պլաստիկ քարտերի ընդհանուր քանակը կազմել է 2.4 մլն հատ: Իսկ պլաստիկ գործարքների ընդհանուր ծավալը գերազանցել է 2.3 տրլն դրամը: