Արմինֆո. Պետությունը մտադիր է միանվագ դրամաշնորհներ տրամադրել փոքր բիզնեսին, որը ստեղծված բարդ պայմաններում գոյատեւում է' չկրճատելով աշխատակիցների թվաքանակը և աշխատավարձի ֆոնդը ս.թ. հունվարի 1-ից մինչեւ ապրիլի 1-ն ընկած ժամանակահատվածում: Այդ որոշումը միաձայն ընդունվել է ՀՀ կառավարության մարտի 26-ի նիստում:
"Դա կլինի պետության կողմից բիզնեսին երախտագիտության նման մի բան", - ընդգծել է վարչապետ Նիկոլ Փաշինյանը:
Ինչպես պարզաբանել է էկոնոմիկայի նախարար Տիգրան Խաչատրյանը, աջակցության այս փաթեթը վերաբերելու է այն բիզնեսին, որն ունի 2-ից մինչեւ 50 վարձու աշխատակից, եւ գործունեություն է ծավալում բոլոր ոլորտներում ՝ բացառությամբ ֆինանսական հատվածը, խաղային բիզնեսը, փոխանակման, արտարժույթի առուվաճառքի կետերը, ներդրումային հիմնադրամները եւ այլն:
Միանվագ դրամաշնորհի չափը կկազմի յուրաքանչյուր հինգերորդ աշխատակցի աշխատավարձերի գումարը։ "Օրինակ, եթե ընկերությունում աշխատում է 20 մարդ, եւ մեկ աշխատակցի միջին աշխատավարձը կազմում է 150 հազար դրամ, ապա դրամաշնորհը կներառի 4 միջին աշխատավարձ՝ հասնելով 600 հազար դրամի", - պարզաբանել է նախարարը: Իսկ եթե ընկերությունում աշխատում է մինչեւ 5 աշխատակից, ապա դրամաշնորհը կհաշվարկվի ընդհանուր աշխատավարձային ֆոնդի գումարը աշխատողների թվին բաժանելու միջոցով:
RUB | 4.19 | -0.01 |
USD | 395.10 | -0.14 |
EUR | 420.39 | 0.41 |
GBP | 492.14 | 0.22 |
CAD | 286.14 | -0.33 |
JPY | 25.55 | -0.01 |
CNY | 54.58 | -0.02 |
CHF | 433.51 | 0.65 |