Արմինֆո. <Հաշվի առնելով ստեղծված իրավիճակը՝ կապիտալ ծախսերը շարունակելու են գերառաջնահերթություն մնալ կառավարության համար>, - ապրիլի 7-ին ՀՀ ԱԺ տնտեսական հարցերի մշտական հանձնաժողովի նիստում ասել է ՀՀ տարածքային կառավարման եւ ենթակառուցվածքների նախարար Սուրեն Պապիկյանը:
Այս առնչությամբ նա տեղեկացրել է, որ կառավարությունը մտադիր է ավելացնել սուբվենցիոն ծրագրերի ծավալները, քանի որ համայնքների կողմից ստացված հայտերն արդեն գերազանցել են 40 մլրդ դրամը ։ Նշելով, որ 2020 թվականի բյուջեով նախատեսված է 10 մլրդ դրամ՝ Պապիկյանը նշել է, որ ներկայացված եզրակացությունների հիման վրա հայտերի քննարկումից հետո կառավարությունը պատրաստ կլինի համապատասխան համաֆինանսավորման գումար ներդնել: Նախարարը ուշադրությունըհրավիրել է այն հանգամանքի վրա, որ կատարված օրենսդրական փոփոխությունների արդյունքում սուբվենցիոն ծրագրերի համաֆինանսավորմանը կարող է մասնակցել նաև երրորդ կողմը ՝ մասնավոր անձ կամ կազմակերպությունը։<Սա հնարավորություն կտա լրացուցիչ շինարարական աշխատանքներ նախաձեռնել Հայաստանի համայնքներում>, - ասել է նա:
Ընդ որում, Պապիկյանը հիշեցրել է, որ 2019 թվականին իրականացված սուբվենցիոն ծրագրերի թիվը 3 անգամ գերազանցել է 2018 թվականի ցուցանիշը: Ընդհանուր առմամբ, ըստ նախարարի, հանրապետության մարզերում իրականացվել է 462 սուբվենցիոն ծրագիր։
RUB | 4.18 | -0.02 |
USD | 390.04 | -1.40 |
EUR | 415.63 | -1.21 |
GBP | 481.74 | -0.75 |
CAD | 284.60 | -0.69 |
JPY | 25.20 | -0.09 |
CNY | 53.82 | -0.22 |
CHF | 427.68 | -1.72 |