Արմինֆո. 2020 թվականի առաջին եռամսյակի արդյունքներով պետական բյուջեի փաստացի կատարողականը հարկային մուտքերի մասով կազմել է 349 մլրդ դրամ ՝պլանային ցուցանիշը գերազանցելով 9.5 մլրդ դրամով: Այս մասին ապրիլի 23-ին կայացած մամուլի ասուլիսի ժամանակ հայտնել է ՀՀ պետեկամուտների կոմիտեի նախագահ Դավիթ Անանյանը ։
Ընդ որում, ՊԵԿ ղեկավարը նշել է, որ ընթացիկ տարվա առաջին եռամսյակի պետական բյուջեի կատարողականը 49.5 մլրդ դրամով ավելի է նախորդ տարվա ցուցանիշից (299.5 մլրդ դրամ) ՝ կոչ անելով, այնուամենայնիվ, ուշադրությունը կենտրոնացնել ոչ թե նախկին ձեռքբերումների, այլ՝ հետագա գործողությունների վրա:
Այս առնչությամբ նա նշել է, որ այսօր ՀՀ կառավարության նիստում քննարկվել է բյուջեի մասին ՀՀ օրենքում փոփոխություններ կատարելու հնարավորությունը, քանի որ բյուջեի կատարման հետ կապված հետագա կանխատեսումները, ամենայն հավանականությամբ, կսրբագրվեն դեպի նվազում: <Այո, անշուշտ, պլանային ցուցանիշների գերազանցումը լավ ազդակ է, բայց հարկային մուտքերի հետագա հավաքագրումների տեսանկյունից անորոշությունըդեռեւս բարձր է մնում>, - եզրափակել է Անանյանը:
