Արմինֆո. Աշխարհում դիտվող գլոբալ փոխակերպումների պայմաններում Հայաստանի տնտեսության ոլորտում կոշտ բարեփոխումները նպատակահարմար չեն։ ԱրմԻնֆո-ին այդպիսի կարծիք է հայտնել <Իմ քայլը> խմբակցության պատգամավոր Վարազդատ Կարապետյանը։
<Այս առումով կոշտ բարեփոխումների անհրաժեշտության մասին պարբերական հայտարարությունները ինձ մոտ անձամբ հարցեր են առաջացնում։ Մենք պետք է մշտապես դիտարկենք, գնահատենք իրավիճակը ՝ հասկանալու համար, թե ինչ գործողություններ պետք է ակնկալենք կառավարությունից ՝ տնտեսության զարգացման տեմպերի դանդաղումը կանխելու ուղղությամբ ։ Գնալ կոշտ բարեփոխումների, հատկապես այսօրվա պայմաններում, մենք չենք կարող։ Նախևառաջ պետք է հասկանալ, վերլուծել իրավիճակը>, - կարծում է խորհրդարանականը ։
Նախակորոնավիրուսային շրջանում տնտեսությունը, Կարապետյանի գնահատմամբ, զարգացել է լավատեսություն ներշնչող տեմպերով ։ Եվ նույնիսկ այսօր այդ տեմպերը դեռ պահպանվում են ։ Ըստ խորհրդարանականի ՝ տնտեսության նկատելի կրճատման ֆոնին, ապրիլի տվյալներով, Հայաստանում ստեղծվել է 3 հազար նոր աշխատատեղ ։ Նրա խոսքով ՝ դա պայմանավորված է լայնածավալ շինարարական, գյուղատնտեսական աշխատանքների մեկնարկով։
Կարապետյանը հիշեցրել է, որ կառավարությանը կոչ անելով կոշտ բարեփոխումների կամ զարգացման արագացված տեմպերի, միշտ պետք է հաշվի առնել, որ տնտեսության զարգացման գործընթացն անմիջականորեն ապահովվում է ոչ թե կառավարության, այլ՝տնտեսվարող սուբյեկտների կողմից: Կառավարության դերը սահմանափակվում է համապատասխան ենթակառուցվածքների ձևավորման, հաղորդակցության, աջակցության գործիքների ստեղծման ապահովմամբ ։ <Հայաստանի տնտեսությունը պլանային չէ, որպեսզի կառավարությունը զարգացնի այն իր միջոցներով։ Հետևաբար՝ կոշտ բարեփոխումներին պետք է զուսպ մոտենալ>, - կարծում է պատգամավորը ։
Մեկնաբանելով կորոնավիրուսի համավարակի պատճառով բացվող տնտեսական հնարավորությունները ՝ Կարապետյանն այդ առումով առանձնացրել է գյուղատնտեսության ոլորտի ընդլայնման հեռանկարները ։ Նրա խոսքով, բացի էժան վարկերի տրամադրման պայմանների թեթևացումից, կառավարությունը դեռևս անցյալ տարվանից անցում է կատարում ոլորտի խթանման բացառապես վարկային գործիքներից դեպի ուղղակի ֆինանսավորում: Այս առումով նա նշել է պետության կողմից, այսպես կոչված, <խելացի> ֆերմաների կառուցման մասնակի ֆինանսավորման դրամաշնորհային ծրագրերը։
<Այս պահին կառավարությունը քննարկում է նաեւ հողագործության, մասնավորապես՝ պարենային անվտանգության բարձրացման նպատակով ցորենի արտադրության խթանման միջոցառումները ։ Այդ դեպքում գործիք կդառնան ոչ թե վարկային միջոցները, այլ՝ ուղղակի ֆինանսավորումը ։ Դրանում կառավարությունը գնում է գյուղատնտեսությունը սուբսիդավորող երկրների ճանապարհով ՝ դրա մրցունակությունը բարձրացնելու նպատակով ։ Այդ առումով մենք արդեն չենք բավարարվում նույնիսկ զրոյական տոկոսադրույքով վարկերի տրամադրմամբ։ Գյուղատնտեսության ոլորտի մրցունակության բարձրացումը, անշուշտ, ավելի արմատական միջոցներ է պահանջում>, - ամփոփել է խորհրդարանականը։
