Չորեքշաբթի, 13 Մայիսի 2020 18:23

Արմինֆո. Դեպի Հայաստան ֆիզիկական անձանց մասնավոր փոխանցումների ներհոսքի դինամիկան 2020թ. առաջին եռամսյակում ծավալվել է տարեկան 9,7% անկման ուղղությամբ՝ 2019թ. առաջին եռամսյակի 9,3% աճից՝  բացարձակ մեծությամբ կազմելով  353.6 մլն դոլար։

 

ՀՀ ԿԲ-ի հաշվետվության համաձայն, վատթարացման նույնպիսի միտում է դիտվել  նաև դեպի դուրս փոխանցումների հոսքում՝ 4.8% աճից մինչեւ 7.1% անկում, որի ծավալը կազմել է 266.2 մլն դոլար:

 

Արդյունքում՝ զուտ ներհոսքի տարեկան դինամիկան 2019թ. I եռամսյակի 23,5% աճից  փոխվել է  մինչեւ 16,7% անկում 2020թ. I եռամսյակի արդյունքներով ՝ բացարձակ մեծությամբ մինչև 87,4 մլն դոլար:

 

Ընդ որում, Հայաստանի գլխավոր դոնոր Ռուսաստանի Դաշնությունից փոխանցումների ներհոսքը 2020թ.առաջին եռամսյակում արագացրել է տարեկան անկումը 3% - ից մինչեւ 16%:  27.6% անկման ուղղությամբ է ծավալվել նաև Հայաստանից դեպի ՌԴ փոխանցումների հոսքի դինամիկան՝ նախորդ տարվա 18.2% աճի դիմաց։ Ռուսաստանից փոխանցումների զուտ ներհոսքի տարեկան դինամիկան 2019թ. առաջին եռամսյակի 24,4% անկումից  2020թ. առաջին եռամսյակում հասել է 2,4% աճի: Բացարձակ թվերով՝ ՌԴ-ից ներհոսքի ծավալը 2020թ. առաջին եռամսյակի արդյունքներով կազմել է 164.4 մլն դոլար, իսկ արտահոսքը՝ 86.7 մլն դոլար, ինչը զուտ ներհոսքը ձևավորել է  77.7 մլն դոլարի մակարդակում։

 

Դինամիկայի վատթարացում է նկատվում նաեւ ԱՄՆ-ի ուղղությամբ փոխանցումների առումով։ Մասնավորապես, ԱՄՆ-ից ներհոսքի տարեկան աճը կտրուկ դանդաղել է՝ 2019թ.առաջին եռամսյակի 29,7 տոկոսից մինչև 9,7 տոկոս 2020թ. առաջին եռամսյակում, դեպի ԱՄՆ  արտահոսքի թրենդի  7,8 տոկոսից մինչեւ 34,3 տոկոս անկում շրջադարձի դեպքում: Արդյունքում՝ ԱՄՆ-ից փոխանցումների ներհոսքի ծավալը 2020թ. առաջին եռամսյակի արդյունքներով կազմել է 63 մլն դոլար, իսկ արտահոսքը ՝ 34.6 մլն դոլար՝ այդ ուղղությամբ ձևավորելով 28.4 մլն դոլար զուտ ներհոսք։

 

Հայաստանի Կենտրոնական բանկի կանխատեսման համաձայն, 2020 թվականին սպասվում է ֆիզիկական անձանց դրամական փոխանցումների զգալի կրճատում: ԿԲ-ն կանխատեսում է դրանց կրճատում 16-19% - ով ։ Պատճառները՝ Ռուսաստանի տնտեսության աճի դանդաղումն է, ռուբլու ծանրակշիռ արժեզրկումը  նավթի գների կտրուկ անկման պայմաններում եւ, գլխավոր գործոնը, Հայաստանից Ռուսաստան աշխատանքային միգրանտների հոսքի կրճատումն է՝ փակ սահմանների եւ կորոնաճգնաժամին ուղեկցող տնտեսական խնդիրներըի պատճառով: Այսօր մասնավոր փոխանցումների  ներհոսքի կառուցվածքում Ռուսաստանի մասնաբաժինը տարեկան կտրվածքով արդեն նվազել  է՝  59 տոկոսից հասնելով 54 տոկոսի ։ -