Արմինֆո. Հայկական ԱԷԿ-ի №2 էներգաբլոկը 2020 թ. հուլիսին կկանգնեցվի՝ պլանային-նախազգուշական վերանորոգման (ՊՆՎ) իրականացման նպատակով:
ՀԱԷԿ մամուլի ծառայության հաղորդման համաձայն, ՊՆՎ–ը ցանկացած ԱԷԿ-ում իրականացվող ստանդարտ գործընթաց է, որի ընթացքում սարքավորումների կայուն աշխատանքային վիճակի պահպանման նպատակով կատարվում է վառելիքի փոխաբեռնում և կայանի պլանային վերանորոգում:
Աշխատանքներն իրականացվում են ՀԱԷԿ-ի №2 էներգաբլոկի արդիականացման և շահագործման ժամկետի երկարացման նախագծի շրջանակներում:
Ինչպես նշում է Հայկական ԱԷԿ-ի գլխավոր տնօրեն Մովսես Վարդանյանը, կայանի շահագործման ժամկետի երկարացման նախագծով նախատեսվող, միջուկային և ռադիացիոն անվտանգության հետ կապված առանձին միջոցառումների յուրահատկությունը պահանջում է դրանց իրականացման համար ներգրավել համապատասխան կարգավիճակ (հավատարմագրում, վկայագրում, հավաստագրում) ունեցող մասնագիտացված կազմակերպություններ, որոնք ունեն եզակի սարքավորումներ, տեխնոլոգիաներ և բարձր որակավորում ունեցող անձնակազմ:
Վերոնշյալ բոլոր միջոցառումները ընդգրկվել են առանձին ցանկում, և դրանց իրականացման համար կազմվել և ստորագրվել է համապատասխան Շրջանակային համաձայնագիր, որը պարունակում է ավելի քան 50 միջոցառում, «Ռուսատոմ Սերվիս» ԲԸ հետ կնքման նպատակով՝ ի կատարումն Հայաստանի Հանրապետության Կառավարության Որոշման: Համաձայնագրի պայմանները տարածվում են նախագծի շրջանակներում կնքվող պայմանագրերի վրա:
Ֆինանսավորման աղբյուրին առնչվող խնդիրը ոչ մի կերպ չի անդրադառնա ատոմային էներգետիկայի ոլորտում Ռուսաստանի և Հայաստանի գլխավոր նախագծի վրա: «Մենք միշտ կատարում ենք միջազգային նախագծերով ստանձնած մեր պարտավորությունները, մասնավորապես, Հայաստանում մենք այսուհետ ևս պատրաստ ենք շարունակել Հայկական ԱԷԿ-ի արդիականացմանն ուղղված վերանորոգման աշխատանքները: Մեզ համար ոչինչ չի փոխվել: Մայիսին մենք կնքել ենք ՀԱԷԿ-ի հետ երկու պայմանագիր. առաջինը՝ ռեակտորի իրանի վերականգնիչ թրծաթողման իրականացման մասով, և արդեն ձեռնամուխ ենք եղել նախապատրաստական աշխատանքներին, և երկրորդը՝ ռեակտորի ակտիվ գոտու հովացման համակարգի արդիականացման մասով: Բացի այդ, տարվելու են ԱԷԿ-ը հաջորդ տարի հիմնանորոգման համար նախապատրաստելուն ուղղված աշխատանքներ», -մեկնաբանում է «Ռուսատոմ Սերվիս» ԲԸ գլխավոր տնօրեն Եվգենիյ Սալկովը:
«Ինչ վերաբերում է հայկական և ռուսական ձեռնարկությունների փոխհարաբերություններին, ապա
համագործակցության անցյալ տարիներից ի վեր դրանք միայն կատարելագործվում են . աճում է փոխըմբռնումը, վստահությունը, համատեղ գործողությունների կառավարման և համակարգման
ընթացակարգերը պարզեցվում են, դրսևորվում է հավասար հետաքրքրվածություն աշխատանքների վերջնական արդյունքի նկատմամբ», - ընդգծել է Մովսես Վարդանյանը:
Ավելի վաղ ԱրմԻնֆո-ն, վկայակոչելով ՀՀ տարածքային կառավարման և ենթակառուցվածքների նախարար Սուրեն Պապիկյանին, տեղեկացրել էր, որ Հայկական ատոմային էլեկտրակայանին կտրամադրվի 63,2 մլրդ դրամի (մոտ 130 մլն դոլար) բյուջետային վարկ: Այդ մասին որոշումն ընդունվել է հունիսի 11-ին ՀՀ կառավարության նիստում։ Նախարար Պապիկյանի խոսքով ՝ պետական բյուջեի միջոցները կտրամադրվեն ՀԱԷԿ-ի երկրորդ էներգաբլոկի շահագործման ժամկետի երկարաձգման ծրագրի ավարտի համար: Ծրագրի իրականացման համար ավելի վաղ Հայաստանը Ռուսաստանի Դաշնությունից ներգրավել էր 270 մլն դոլարի վարկ եւ 30 մլն դոլարի դրամաշնորհ, եւ այսօրվա դրությամբ այդ միջոցների մնացորդային ռեսուրսը կազմում էր 107 մլն դոլար: Օբյեկտիվ եւ սուբյեկտիվ պատճառներով ռուս գործընկերների հետ չի հաջողվել պայմանավորվել այդ մնացորդային ռեսուրսի շուրջ: Այդ իսկ պատճառով որոշում է կայացվել 63.2 մլրդ դրամ բյուջետային վարկ ներգրավելու մասին։ 2020 թվականին հայկական ԱԷԿ - ն այդ միջոցներից կստանա 18,7 մլրդ դրամ, 2021 թվականին ՝ 31,5 մլրդ դրամ, իսկ 2022 թվականին ՝ 13 մլրդ դրամ: Յուրաքանչյուր տրանշի մարման ժամկետը 12 տարի է, որից առաջին 2 տարին արտոնյալ կլինի։ Տոկոսադրույքը կլինի համարժեք ավելի վաղ Ռուսաստանի Դաշնության ներգրավված փոխառու միջոցների տոկոսադրույքին:
Հայկական ԱԷԿ – միակ ատոմային կայանն է Հարավային Կովկասի տարածքում և արտադրում է Հայաստանում արտադրվող ողջ էլեկտրաէներգիայի մեկ-երրորդից ավելին: Ատոմային էներգետիկայի ոլորտում Ռուսաստանի և Հայաստանի գլխավոր նախագիծ է հանդիսանում Հայկական ԱԷԿ-ի երկրորդ էներգաբլոկի արդիականացման և շահագործման ժամկետի երկարացման նախագիծը: Հայաստանը
կուտակել է Հայկական ԱԷԿ-ի շահագործման եզակի փորձ: 6,5 տարվա ընթացքում կոնսերվացման մեջ գտնվելուց հետո երկրորդ էներգաբլոկը վերաթողարկվեց: Կայանը կարևորագույն դեր է խաղում
Հայաստանի էներգահամակարգի և Հանրապետության ողջ սոցիալ-տնտեսական կյանքի զարգացման համար: Որպես Հայկական ԱԷԿ-ի շահագործման ժամկետի երկարացման նախագծի գլխավոր կապալառու հանդես է գալիս «Ռուսատոմ Սերվիս» ԲԸ, որի հիմնական խնդիրներն են կայանի գոյապաշարի
վերականգնումը և շահագործման ժամկետի երկարացումը, նրա անվտանգության և արդյունավետության
մակարդակի բարձրացումը:
Արմեն Մելիքյան. Հեռահաղորդակցության ոլորտում Հայաստանը կարող է հայտնվել 90-ական թվականների վերջի իրավիճակում
Սերգեյ Դորոխին․ <ՀԿԵ-ն ունի բոլոր անհրաժեշտ ռեսուրսները ցանկացած բարդության և ցանկացած հեռավորության փոխադրումների կազմակերպման համար>
Փորձագետ. Հայաստանում լեռնահանքային արտադրության վերականգնման հարցն ավելի քան արդիական է դառնում
Ֆինանսների նախարարությունը 2020 թվականի համար կանխատեսում Է բյուջեի դեֆիցիտ՝ ՀՆԱ-ի 7,4 տոկոսի չափով
Պետությունը հակաճգնաժամային 15-րդ միջոցառման շրջանակներում 1000 ժամանակավոր աշխատատեղ կստեղծի
