Արմինֆո.Հայաստանում ախտահանող միջոցների արտադրության կազմակերպման համար գանձվելու է պետական տուրք ։ ՀՀ Ազգային ժողովի տնտեսական հարցերի հանձնաժողովը դրական եզրակացություն է տվել <Պետական տուրքի մասին> օրենքում կառավարության ներկայացրած փոփոխություններին:
ՀՀ առողջապահության նախարարի տեղակալ Անահիտ Ավանեսյանի խոսքով, ներկայումս մի շարք կազմակերպությունների գործունեության սկսման գրանցումն իրականացնում է Առողջապահության նախարարությունը: Խոսքը, մասնավորապես, գործունեության նոր տեսակի ՝ ախտահանող միջոցների մասին է, որոնց արտադրության համար անհրաժեշտ կլինի վճարել պետական տուրքը ։ Այդ միջոցը, ինչպես նշել է փոխնախարարը, բխում է Եվրասիական տնտեսական միության առջեւ Հայաստանի ստանձնած պարտավորություններից։
Նշենք, որ գործող օրենսդրության համաձայն՝ ձեռնարկությունների եւ արտադրանքի սկզբնական պետական գրանցման համար գանձվում է պետական տուրք ՝ բազային պետական տուրքի 12-ապատիկի չափով (1 հազար դրամ):
Հիշեցնենքմ որ ավելի վաղ Պետական եկամուտների կոմիտեն հայտարարություն էր տարածել, որի համաձայն՝ նոր տեսակի կորոնավիրուսի կանխարգելման միջոցառումների շրջանակում որոշ ապրանքների ներմուծումը Եվրասիական տնտեսական միության տարածք ազատվել է մաքսատուրքից: Մասնավորապես` Եվրասիական տնտեսական հանձնաժողովի 16.03.2020թ. թիվ 21 և 03.04.2020թ․ թիվ 34 որոշումների համաձայն՝ մինչև 2020թ․ սեպտեմբերի 30-ը ներառյալ «Բացթողում` ներքին սպառման համար» մաքսային ընթացակարգով ապրանքային հայտարարագիրը գրանցելու, և ապրանքների ներմուծման թույլտվությունը համապատասխան լիազորություն ունեցող գործադիր մարմնի կողմից ներկայացվելու դեպքում մաքսատուրքից ազատվելու են հիմնականում բժշկական նշանակության որոշ ապրանքներ: Հարկ է նշել, որ արտոնությունն ուժի մեջ է մտել 2020թ. մարտի 16-ից:
RUB | 4.26 | 0.00 |
USD | 387.73 | -0.19 |
EUR | 417.55 | -0.28 |
GBP | 486.33 | -1.48 |
CAD | 283.43 | -0.24 |
JPY | 25.10 | -0.12 |
CNY | 53.72 | -0.10 |
CHF | 427.39 | -0.92 |