Չորեքշաբթի, 16 Սեպտեմբերի 2020 18:22

Արմինֆո.Եվրասիական տնտեսական հանձնաժողովի կոլեգիան ընդունել է հանձնարարական, որի համաձայն, հանձնաժողովը  եւ Եվրասիական տնտեսական միության երկրների լիազոր մարմինները սպառողների իրավունքների պաշտպանության հարցերով կիրականացնեն տեղեկատվական փոխանակում:

 

Ինչպես հաղորդում է ԵՏՀ մամլո ծառայությունը, ԵԱՏՄ անդամ պետություններին առաջարկվել է յուրաքանչյուր տարի հանձնաժողով ուղարկել տեղեկատվություն, որը ներառում է տեղեկություններ սպառողների իրավունքների պաշտպանության ոլորտում պետական քաղաքականության բովանդակության, նպատակների, խնդիրների, գերակայությունների և սկզբունքների, նման պաշտպանության պետական համակարգի, պետական վերահսկողության  արդյունքներով կամ քաղաքացիների դիմումների հիման վրա հայտնաբերված սպառողների իրավունքների խախտումների քանակի և բնույթի, այդ ոլորտում նորմատիվ իրավական կարգավորմանն ուղղված միջոցառումների և այլ միջոցառումների մասին:

 

Հանձնարարականը պատրաստվել է ԵՏՀ սանիտարական, բուսասանիտարական և անասնաբուժական միջոցների վարչության կողմից՝ Միության երկրների լիազոր մարմինների հետ համատեղ ՝ բելառուսական նախագահության առաջնայնությունների իրականացման հանձնաժողովի գործողությունների ծրագրի 3-րդ կետի կատարման համար, որոնք շարադրված են սույն թվականի հունվարի 1-ին անդամ պետությունների ղեկավարներին ուղղված Բելառուսի Հանրապետության նախագահ Ալեքսանդր Լուկաշենկոյի ուղերձում:

Սպառողների իրավունքների պետական և հասարակական պաշտպանության համակարգի, սպառողական ռիսկերին առավել ենթակա իրավահարաբերությունների ոլորտների, ինչպես նաև այդ ուղղությամբ երկրներում ձեռնարկվող միջոցառումների մասին տեղեկատվությունը հանձնաժողովը կտեղադրի "սպառողների իրավունքների պաշտպանություն" բաժնում (https://potrebitel.eaeunion.org) Միության ընդհանուր տեղեկատվական ռեսուրսների եւ բաց տվյալների պորտալում։ Դա թույլ կտա նշված ոլորտում իրավիճակի մշտադիտարկում իրականացնել։