Արմինֆո.Հայաստանում անշարժ գույքի հետ կապված գործարքներն աճում են՝ չնայած կորոնավիրուսի շարունակվող համավարակին։ Այս մասին սեպտեմբերի 23-ին կայացած մամուլի ասուլիսի ժամանակ հաղորդել է Հայաստանի անշարժ գույքի կադաստրի պետական կոմիտեի նախագահ Սուրեն Թովմասյանը։
Նրա խոսքով՝ միայն օգոստոսին կատարվել է անշարժ գույքին առնչվող 16 491 գործարք, ինչը 1,5 տոկոսով բարձր է հուլիսյան ցուցանիշից, եւ 6,3 տոկոսով՝ 2019թ. օգոստոսի համեմատ։
Պետկոմիտեի ղեկավարը նշել է, որ կադաստրի պետական կոմիտեի գրասենյակների աշխատանքի ստացիոնար ռեժիմի վերականգնումից եւ սահմանափակումների վերացումից հետո Հայաստանում կատարվել է անշարժ գույքի առքուվաճառքի 4 904 գործարք, որոնցից միայն 1 323-ը՝ Երեւանում: Այս առնչությամբ Թովմասյանն ուշադրություն է հրավիրել այն հանգամանքի վրա, որ մայրաքաղաքում գործարքների քանակի որոշակի նվազման ֆոնին Հայաստանի մարզերի քաղաքներում գործարքներն աճել են 7% - ով, գյուղական վայրերում՝ 39%-ով:
Երեւանում առքուվաճառքի գործարքների կրճատումը նա պայմանավորել է հունիս-օգոստոս ամիսներին անշարժ գույքի գների 1% -1,5% նվազմամբ: Սակայն, այս պահին անշարժ գույքի գները, ըստ նրա, կայուն են, չի նկատվում ոչ աճ, ոչ նվազում:
Ավելին, Թովմասյանը հաղորդել Է, որ վերջին մի քանի ամիսների ընթացքում, սահմանափակումների վերացումից հետո, Անշարժ գույքի կադաստրի պետական կոմիտեն օրական միջինը սկսել է ստանալ շուրջ 3 հազար հայտ: "Սա բավական լուրջ ցուցանիշ է, եւ խոսում է այն մասին, որ անշարժ գույքի շուկայում կա աշխուժացում՝ անկախ որեւէ բանից: Եթե մենք չընկնենք կորոնավիրուսի երկրորդ ալիքի տակ, անշարժ գույքի շուկան ավելի կկայունանա, եւ մենք կգրանցենք ավելի բարձր ցուցանիշներ", - եզրափակել է նա:
Նշենք, որ անշարժ գույքի կադաստրի պետական կոմիտեի տվյալներով 2020թ. օգոստոսին կատարվել է անշարժ գույքին առնչվող 16 491 գործարք, ինչը 1,5% - ով բարձր է հուլիսյան ցուցանիշից, և 6,3% - ով ավելի է 2019թ. օգոստոսի համեմատ: գործարքների ընդհանուր թվից 5243-ը բաժին է ընկնում Երևանին (տարեկան 1% անկումով և ամսական 3% աճով): Մասնավորապես, մեկ ամսվա ընթացքում մայրաքաղաքում կատարվել է անշարժ գույքի առքուվաճառքի 1323 գործարք, ինչը տարեկան եւ ամսական կտրվածքով ցածր է համապատասխանաբար 14,1% - ով եւ 4,8% - ով:
Մայրաքաղաքում բնակարանների առքուվաճառքի գործարքների թիվը կազմել է ընդամենը 735, ինչը ցածր է տարեկան վաղեմության ցուցանիշից 27% - ով, մեկ ամսվա 10,4% անկման դեպքում: Բնակարանների առքուվաճառքի գործարքների թվով առաջատարը Արաբկիր վարչական շրջանն է (20,1%), իսկ ավանդաբար ամենացածր տոկոսը (1,6%) բաժին է ընկնում Նուբարաշեն վարչական շրջանին։
Ընդ որում, Երևանի բազմաբնակարան շենքերում անշարժ գույքի միջին շուկայական արժեքը 2020թ.օգոստոսին 2019թ. օգոստոսի համեմատ աճել է 4,8% - ով ՝ մինչև 332.5 հազ.դրամ/1քմ միջին հաշվով՝ ամսվա կտրվածքով 1,1% - ով նվազման դեպքում:
Երևանում բնակարանների ամենաբարձր գներն ավանդաբար պահպանում է Կենտրոն համայնքը ՝ միջինը 630 հազար դրամ/1 քմ (2,9 տոկոս տարեկան աճ, 2,3 տոկոս ամսական անկում): Այնուհետև հաջորդում է Արաբկիրը, որտեղ բազմաբնակարան շենքերի գինն արձանագրվել է 440 հազ. դրամ/1 քմ մակարդակում (5,6% տարեկան աճ, 2,2% ամսական անկում)։ Առաջատարների եռյակը եզրափակում է Դավիթաշենը՝ 333 հազար դրամ/1 քմ (2,8 տոկոս տարեկան աճ, 0,9 տոկոս ամսական անկում)։
Մայրաքաղաքում բնակարանների ամենացածր գները պահպանվում են Նուբարաշեն համայնքում, որտեղ բնակարանի քառակուսի մետրը կազմել է միջինը 180 հազար դրամ/1 քմ, տարեկան 1,1 տոկոս աճով եւ օգոստոսի 0,6 տոկոս անկումով:
Հայաստանի մարզերում կատարվել է անշարժ գույքի առքուվաճառքի 3581 գործարք ' ցույց տալով ինչպես տարեկան, այնպես էլ ամսական կտրվածքով աճ, համապատասխանաբար, 26,2% եւ 5,5% - ով: Ընդ որում, մարզերում առավել բարձր ցուցանիշ է գրանցվել հողին առնչվող գործարքների մասով (63,2%), իսկ ամենացածրը ՝ արտադրական նշանակության շենքերի գծով (1,8%)։ Պաշտոնական տվյալների համաձայն, մարզերում իրականացվել է բնակարանների առքուվաճառքի ընդամենը 415 գործարք ' տարեկան 28,7% անկումով, ամսական անփոփոխության դեպքում:
Հայաստանի մարզերում բնակարանների միջին շուկայական արժեքը 2020թ. օգոստոսին 2019թ. օգոստոսի համեմատ աճել է 2% - ով, մեկ ամսվա ընթացքում 0,3% - ով անկման դեպքում ' կազմելով 106,7 հազ. դրամ / 1 քմ:
Ըստ կադաստրային տվյալների՝ մարզերում բնակարանների ամենաբարձր գներն ավանդաբար պահպանվում են Ծաղկաձոր առողջարանային քաղաքում ՝ 281 հազար դրամ/1 քմ միջին հաշվով ՝ տարեկան 0,7 տոկոս աճով (ամսական 0,4 տոկոսով անկման դեպքում): Այնուհետև հաջորդում է Աբովյան քաղաքը, որտեղ բնակարանների գինն արձանագրվել է 185.5 հազար դրամ/1 քմ մակարդակում, տարեկան 9.1 տոկոս աճով, ամսական 1.1 տոկոս անկման դեպքում: Եվ առաջատարների եռյակը եզրափակում է Վաղարշապատ քաղաքը ՝ 158.5 հազար դրամ արժողությամբ, տարեկան 11.6 տոկոս աճով եւ ամսական 0.9 տոկոս աճով ։
Առավել ցածր գներ են աարձանագրվել Լոռու մարզի Թումանյան քաղաքում' 23 հազար դրամ/1 քմ (տարեկան և ամսական 4,2 տոկոս անկումով), որին հաջորդում են Ախթալա քաղաքը (Լոռու մարզ)' 36 հազար դրամ/1 քմ (տարեկան 7,7 տոկոս և ամսական 2,7 տոկոս անկումով) և Ճամբարակ քաղաքը (Գեղարքունիքի մարզ)' 40 հազար դրամ/1 քմ (տարեկան 9,1 տոկոս և ամսվա 2,4 տոկոս անկումով):
Ընդհանուր առմամբ, երկրում կատարվել է բնակարանների առքուվաճառքի 1150 գործարք, ինչը գերազանցում է տարեկան վաղեմության ցուցանիշը 27,6 տոկոսով ՝ մեկ ամսվա ընթացքում նվազելով 6,9 տոկոսով: Գործարքների առավելագույն քանակը (63,9%) կատարվել է Երեւանում, իսկ ամենացածր տոկոսը (0,5%)' Վայոց ձորի մարզում: