Շաբաթ, 17 Հոկտեմբերի 2020 16:29

Արմինֆո. Հայաստանի խոշորագույն հարկատուների ցուցակը 2020 թվականի հունվար-սեպտեմբեր ամիսների արդյունքներով շարունակում է գլխավորել հայ-կանադական "Գրանդ Տոբակո" ՀՁ-ն (նախորդ տարվա 2-րդ հորիզոնականի դիմաց)' պետական գանձարան վճարելով ավելի քան 36.2 մլրդ դրամ կամ 74.1 մլն դոլար (տարեկան 10.2% անկումով), որից 1.1 մլրդ դրամ՝ մաքսատուրքերի գծով, 6.4 մլրդ դրամ ՝ ուղղակի հարկերի գծով (այդ թվում ՝ շահութահարկ, եկամտահարկ), 29.6 մլրդ դրամ ՝ անուղղակի հարկերի գծով (այդ թվում ՝ ԱԱՀ, ակցիզային հարկ): Այս մասին են վկայում ՀՀ պետեկամուտների կոմիտեի հրապարակած տվյալները։

 

Երկրորդ հորիզոնականում է հայտնվել "Գազպրոմ Արմենիա"ՓԲԸ-ն, որի հարկային վճարումները բյուջե կազմել են 34.9 մլրդ դրամ, որից 247.9 մլն դրամ' մաքսատուրքերի, 4.5 մլրդ դրամ' ուղղակի հարկերի, 29.8 մլրդ դրամ' անուղղակի հարկերի գծով:

 

Երրորդ տեղում է՝ մեկ տարի առաջ առաջատար առաջին դիրքից,  "Զանգեզուրի մոլիբդենային կոմբինատ" ՓԲԸ-ն ՝ պետբյուջե վճարելով 31.3 մլրդ դրամ, որից 1.05 մլրդ դրամ՝ մաքսատուրքերի գծով, 12.1 մլրդ դրամ ՝ ուղղակի հարկերի (այդ թվում ՝ շահութահարկ, եկամտահարկ), 1.2 մլրդ դրամ ՝ անուղղակի հարկերի (այդ թվում ՝ ԱԱՀ, ակցիզային հարկ) գծով։

 

Չորրորդ տեղում է "Գեոպրոմայնինգ Գոլդ" ՍՊԸ-ն, որի հարկային վճարումները կազմել են 16.3 մլրդ դրամ, որից 1.1 մլրդ դրամ' մաքսատուրքերի, 9.3 մլրդ դրամ' ուղղակի հարկերի, 1.2 մլրդ դրամ' անուղղակի հարկերի գծով:

 

2020թ. հունվար-սեպտեմբեր ամիսների արդյունքներով առաջատարների հնգյակը եզրափակում է "Սի Փի Էս Օիլ Քորփորեյշնը " (CPS Oil Corporation LLc):), որը նաաախորդ տարի զբաղեցրել է  10-րդ տեղը: Ընկերության պետական բյուջե կատարված մասհանումները կազմել են 14.4 մլրդ դրամ, որից 303.9 մլն դրամ' մաքսատուրքերի գծով, 253.8 մլն դրամ' ուղղակի հարկերի, 13.9 մլրդ դրամ' անուղղակի հարկերի գծով:

 

Ընդհանուր առմամբ, առաջատարների հնգյակը հարկերի գծով բյուջե է վճարել 133.02 մլրդ դրամ (272.3 մլն դոլար), որից 32.6 մլրդ՝ ուղղակի հարկերի (այդ թվում ՝ շահութահարկ, եկամտահարկ) և 75.7 մլրդ դրամ՝

անուղղակի հարկերի (այդ թվում ՝ ԱԱՀ, ակցիզային հարկ) գծով: Նախորդ տարվա հնգյակի հարկային վճարումների ծավալի համեմատությամբ այս ցուցանիշը նվազել է 5,3 տոկոսով:

 

Առաջատարներ տասնյակում տեղ են գտել "Ինտերնեյշնլ Մասիս Տաբակը"(6-րդ տեղը՝ մակ տարի առաջվա 4-րդ տեղից),"Ֆլեշը" (7-րդ տեղը՝ նախորդ տարվա 6-րդից), "Ֆիլիպ Մորրիս" ՍՊԸ-ն մնացել է 8-րդ տեղում, 9-րդ հորիզոնական նախորդ տարվա 16-րդից բարձրացել է "ՄՏՍ Հայաստան "Տելեկոմ-օպերատորը (VivaCell-MTS ապրանքանիշ), իսկ 10-րդ տեղը՝ նախորդ տարվա 7-րդից բարձրացել է ՀԷՑ-ը:

 

ՊԵԿ-ի տվյալների համաձայն, 2020թ.հունվար-սեպտեմբերին Հայաստանի 1000 խոշորագույն հարկատուները պետական գանձարան են վճարել 721.4 մլրդ դրամ (1.5 մլրդ դոլար), ինչը 5.7% - ով պակաս է մեկ տարվա վաղեմության ցուցանիշից: Առաջատար 5-յակին բաժին է ընկնում 18.4% - ը, իսկ առաջատար 10-նյակին՝ 26% (187.6 մլրդ դրամ կամ 384.1 մլն դոլար)։

 

Նշենք, որ տեքստում նշված ծավալների դոլարային համարժեքը հաշվարկվել է 30.09.2010 թ. դրամի  488.41 դրամ/1դոլար  հաշվարկային փոխարժեքով: