Արմինֆո. Հայաստանի կապի օպերատորների քառյակը 2020 թվականի հունվար-սեպտեմբեր ամիսներին հարկերի գծով պետբյուջե է վճարել, ընդհանուր առմամբ, 23.3 մլրդ դրամ, ինչը 13,1%-ով բարձր է մեկ տարվա վաղեմության ցուցանիշից: Այդ գումարից 11.8 մլրդ վճարվել է
ուղղակի հարկերի (այդ թվում ՝ շահութահարկի, եկամտահարկի) եւ 9.9 մլրդ դրամ՝ անուղղակի հարկերի (այդ թվում ՝ ԱԱՀ, ակցիզային հարկ) գծով:
ՀՀ պետեկամուտների կոմիտեի տվյալներով, Հայաստանի կապի օպերատորների շարքում առաջատարը "ՄՏՍ Հայաստան"-ն է (VivaCell-MTS ապրանքանիշ), որը 2020 թվականի հունվար - սեպտեմբերին պետական գանձարան է վճարել 10.4 մլրդ դրամ, որից 22.6 մլն դրամ' մաքսատուրքերի, 3.4 մլրդ դրամ' ուղղակի հարկերի (այդ թվում 'շահութահարկ, եկամտահարկ), 4.4 մլրդ դրամ' անուղղակի հարկերի գծով (այդ թվում ' ԱԱՀ, ակցիզային հարկ): 1000 խոշորագույն հարկատուների ընդհանուր ցուցակում "ՄՏՍ Հայաստան"-ը (VivaCell-MTS ապրանքանիշ) 9-րդ հորիզոնականում է՝ նաախորդ տարվա 16-րդ տեղից:
ՎԵՈՆ Արմենիան (Beeline ապրանքանիշ) հարկերի գծով բյուջե է փոխանցել 6.3 մլրդ դրամ, որից ավելի քան 5.1 մլրդ դրամ՝ շահութահարկի գծով: "ՎԵՈՆ Արմենիա" -ն 1000 խոշոր հարկատուների ընդհանուր ցանկում 13-րդ տեղում է՝ նախորդ տարվա 18-րդ տեղից։
Յուքոմ-ը, որը պետբյուջե է վճարել 5,5 մլրդ դրամ հարկ, որից 21,5 մլն դրամ՝ մաքսատուրքերի գծով, 1.3 մլրդ դրամ՝ ուղղակի հարկերի(այդ թվում ՝ շահութահարկ, եկամտահարկ) եւ 2.1 մլրդ դրամ՝ անուղղակի (այդ թվում ՝ ԱԱՀ, ակցիզային հարկ) հարկերի գծով, 1000 խոշորագույն հարկատուների ընդհանուր ցանկում 17-րդ տեղում է՝ նաախորդ տարվա 13-րդ տեղից:
"Ջի Էն Սի Ալֆա"-ն ("Ռոստելեկոմ" ապրանքանիշ), բյուջե է վճարել 1.2 մլրդ դրամ հարկ, որից 2.3 մլն դրամ՝ մաքսատուրքերի, 553.7 մլն դրամ՝ ուղղակի (այդ թվում ՝ շահութահարկ, եկամտահարկ) և 621.7 մլն դրամ՝ անուղղակի (այդ թվում ՝ ԱԱՀ, ակցիզային հարկ) հարկերի գծով՝ 1000 խոշորագույն հարկատուների ընդհանուր ցանկում նաաախորդ տարվա 167-րդ տեղից բարձրաննալով 113-րդ հորիզոնական:
1000 խոշոր հարկատուների հարկային մուտքերի ընդհանուր ծավալում կապի օպերատորների քառյակին բաժին է ընկել 3,2 տոկոսը (մեկ տարի առաջվա 2,7 տոկոսի դիմաց):
Հիշեցնենք, որ 2019 թվականի հունվար-սեպտեմբեր ամիսներին կապի օպերատորների քառյակը ընդհանուր ծավալով հարկերի գծով բյուջե էր վճարել ավելի քան 20.6 մլրդ դրամ, որից 8.1 մլրդ դրամ՝ ուղղակի հարկերի, իսկ 9.5 մլրդ դրամ՝ անուղղակի հարկերի գծով: Այնդ պահին հարկային վճարումների գծով օպերատորների շարքում առաջատարը UCom-ն էր, որին հաջորդում էին ՄՏՍ Հայաստանը, ՎԵՈՆ Արմենիան և Ջի Էն Սի Ալֆա-ն ։ (Դրամի հաշվարկային փոխարժեքը 30.09.2010 թ. - ի դրությամբ ՝ 488.41 դր/$1:).