Արմինֆո.Հայաստանի Կենտրոնական բանկի գնահատմամբ, չաշխատող վարկերի մասնաբաժինը բանկային համակարգի ընդհանուր վարկային պորտֆելում կարող է հասնել 10% - ի: Այդ մասին դեկտեմբերի 15-ին կայացած մամուլի ասուլիսի ժամանակ հաղորդել է ՀՀ ԿԲ նախագահ Մարտին Գալստյանը։
Այդ համատեքստում նա ընդգծել է, որ նման կանխատեսումը որոշակի վերլուծական հետազոտությունների արդյունք է։ Իսկ վերջին տվյալների համաձայն, ինչպես նշել է Մ. Գալստյանը, չաշխատող վարկերի մասնաբաժինը բանկային համակարգի ընդհանուր վարկային պորտֆելում կազմում է 6,7%:
"Տարին սկսվեց կորոնավիրուսի համավարակով, որին հեըեւեց պատերազմը։ Իսկ հիմա մենք գտնվում ենք անորոշության մեջ, ինչի առնչությամբ կարող են որոշակի խնդիրներ լինել՝ վարկերի չվերադարձելիության հետ կապված։ Մտավախություն կա, բայց ԿԲ-ն հետևում է իրավիճակին։ Սակայն, ֆինանսական կայունության տեսանկյունից էական ռիսկեր չենք տեսնում", - ասել է նա, այդ համատեքստում նկատելով, որ առկա կապիտալի ծավալը բավարար է հնարավոր ռիսկերը կլանելու համար, որոնք կարող են առաջանալ։
ԱրմԻնֆո-ի պատրաստած Հայաստանի բանկերի ֆինանսական ֆարկանիշի 30.09.2010 թ. տվյալներով, Հայաստանի բանկային համակարգում արագացել է չաշխատող վարկերի աճը: NPL-ի մասնաբաժինը վարկային պորտֆելում 3-րդ եռամսյակում աճել է 8,3%-ից մինչեւ 9%, իսկ ակտիվներում հասել է 6,1%, նախորդ տարի ֆիքսված, համապատասխանաբար, 9% եւ 5,9%-ի դիմաց: Դա դիտվել է վարկային ներդրումների տարեկան աճի արագացման 13,5 տոկոսից մինչեւ 21,4 տոկոս, եւ ակտիվների 14 տոկոսից մինչեւ 16,5 տոկոս աճի ֆոնին, երկու դեպքում էլ եռամսյակային աճի դանդաղման պայմաններում (վարկերը՝ 3,2 տոկոսից մինչեւ 5,9 տոկոս, ակտիվները ՝ 1,5 տոկոսից մինչեւ 4,8 տոկոս): Թունավոր վարկերի արագացված աճը, իր հերթին, կրճատել է շահույթը: Զուտ շահույթը, 9 ամիսների արդյունքներով կազմելով 58.6 մլրդ դրամ ($119.9 մլն), կրճատվել է 0.9% - ով (նախորդ տարվա 14.2% աճի դիմաց), ինչը դիտվել է ժամկետանց վարկերի ծավալի 20.3% աճի ֆոնին (եռամսյակային աճի 10.1%-ից մինչեւ 13.1% արագացման դեպքում): Եվ դա ուղեկցվում էր հաշվետու եռամսյակի համար առողջ (ստանդարտ) վարկերի մեծության 3,5% աճի թույլ փորձով (II եռամսյակում 0,5% անկումից)՝ տարեկան 9,1% աճի դեպքում, որը, հավանաբար, առավելապես ապահովվել էր վարկային արձակուրդների ժամանակ (մարտի 13-ից հունիս) պայմանագրերի վերակնքման եւ 1 - ին եւ 2-րդ հակաճգնաժամային պետական ծրագրերին ակտիվ մասնակցության հաշվին: Ըստ ոլորտների՝ ժամկետանց վարկերի գերակշռող մասը "տեղավորվել" է սպառողական վարկերում, երկրորդ տեղում առեւտրի ոլորտն է, երրորդում ՝ ագրովարկերը, չորրորդ արդյունաբերական հատվածը, որին հաջորդում են ծառայությունների ոլորտն ու շինարարության ոլորտը։ Ընդ որում, սպառողական վարկերում ժամկետանց պարտքը ցույց է տվել տարեկան ծանրակշիռ աճ, և նույն պատկերը, բայց չափավոր տոկոսներով, դիտվել է ագրովարկերում, իսկ մնացած ճյուղերում չաշխատող վարկերի ծավալը նվազել է։