Արմինֆո.Հայաստանի էկոնոմիկայի նախարար Վահան Քերոբյանը տարվա արդյունքներով զբոսաշրջության ոլորտի 300 տոկոսով աճ է ակնկալում: Այդ մասին նա հայտարարել է լրագրողների հետ զրույցում։
Հիշեցնելով, որ անցյալ տարի ոլորտը լուրջ անկում ապրեց, նախարարը հաղորդել է, որ արդեն մարտին զգալի ակտիվություն է նկատվում, մինչդեռ մեկ տարի առաջ նույն ամսին Հայաստանում զբոսաշրջիկներ չկային: Այդ առումով նա պատմել է, որ Նովրուզի հետ կապված Հայաստանում իրանցի զբոսաշրջիկների հոսք է գրանցվել։
Բացի այդ, Քերոբյանը հաղորդել է, որ ապրիլին Հայաստանի հյուրանոցային ցանցում մեծ թվով ամրագրումներ կան, իսկ մայիսին սպասվում են աճի նորմալ տեմպեր, սակայն 2019-ի դինամիկային մի փոքր զիջող:
Ըստ ՀՀ վիճակագրական կոմիտեի տվյալների, զբոսաշրջության նպատակով 2020 թվականին Հայաստան է այցելել 375 216 մարդ, ինչը 80,2 տոկոսով ցածր է նախորդ տարվա ցուցանիշից:
RUB | 4.22 | 0.00 |
USD | 388.08 | -0.52 |
EUR | 416.29 | -0.44 |
GBP | 485.57 | -0.41 |
CAD | 284.16 | 0.14 |
JPY | 24.75 | -0.24 |
CNY | 53.55 | -0.08 |
CHF | 425.34 | -0.20 |