Ամերիաբանկն ապրիլի 12-ին ձեռնամուխ կլինի 20 մլն դոլար եւ 5 մլրդ դրամ ծավալով դոլարային եւ դրամային պարտատոմսերի հերթական տրանշերի տեղաբաշխմանը  

Արմինֆո.Ամերիաբանկն ապրիլի 12-ին ձեռնամուխ կլինի 20 մլն դոլար եւ 5 մլրդ դրամ ծավալներով դոլարային եւ դրամային անվանական, արժեկտրոնային եւ ոչ փաստաթղթային պարտատոմսերի հերթական տրանշերի առաջնային տեղաբաշխմանը:

Այս մասին նշված է ՀՀ Կենտրոնական բանկի կայքում զետեղված թողարկման ազդագրում, որի համաձայն, այդ երկու թողարկումների տեղաբաշխումը նախատեսվում է ավարտել 2021 թվականի հունիսի 22-ին: Դոլարային տրանշի շրջանակներում կթողարկվեն 100 դոլար անվանական արժեքով 200 հազար պարտատոմս։ Արժեկտրոնային եկամտաբերությունը սահմանվում է 4,5%: Արժեկտրոնային վճարումների պարբերականությունը նախատեսված է եռամսյակը մեկ անգամ: Այս տրանշի ամբողջական մարումը նախատեսված է 2023 թվականի հոկտեմբերի 12-ին։

Իսկ դրամային տրանշի շրջանակներում կթողարկվի 100 հազար դրամ անվանական արժեքով 50 հազար պարտատոմս։ Արժեկտրոնային եկամտաբերությունը սահմանվում է 9.5%: Արժեկտրոնային վճարումների պարբերականությունը նախատեսված է եռամսյակը մեկ անգամ: Այս տրանշի ամբողջական մարումը նախատեսված է նաև 2023 թվականի հոկտեմբերի 12-ին։

Այս թողարկումների պարտատոմսեր ձեռք բերել ցանկացողները կարող են միջոցներ փոխանցել Ամերիաբանկում բացված համապատասխան հաշիվներին. դրամային տրանշի համար' 1570043120372900, դոլարային տրանշի համար' 1570043100494501:

AMX-ի տվյալներով, ֆոնդային բորսայում ս.թ. ապրիլի 8 - ի դրությամբ գնանշվում է Ամերիաբանկի պարտատոմսերի 20 թողարկում' 13 դոլարային եւ 7 դրամային: Դոլարային թողարկումների ընդհանուր ծավալը կազմում է 111.21 մլն դոլար, իսկ դրամայինը՝ 27.1 մլրդ դրամ։ Դոլարային տրանշերի մարումը տեղի կունենա 2021-2023թթ.. 2021թ.  մայիսին, սեպտեմբերին և նոյեմբերին' չորս տրանշ, 2022թ. փետրվարին, հունիսին, հուլիսին, հոկտեմբերին և դեկտեմբերին' վեց տրանշ, 2023թ.մարտին և մայիսին' երեք տրանշ: Իսկ դրամային տրանշերը մարվելու են 2021թ. սեպտեմբերին (մեկը), 2022թ. փետրվարին, հուլիսին և նոյեմբերին (չորսը), 2023թ.մարտին և ապրիլին (երկուսը) ։ Դոլարային տրանշներով թողարկման պահին սահմանված արժեկտրոնային եկամտաբերությունը տատանվել է 4.25-5.5% - ի սահմաններում, իսկ դրամային ' 9-9,75% միջակայքում: 2021 թվականին տեղի կունենա մեկ դրամային տրանշի (սեպտեմբերին) և չորս դոլարային տրանշի (մայիսին, սեպտեմբերին և նոյեմբերին) ամբողջական մարում:

ԱրմԻնֆո-ի պատրաստած  Հայաստանի բանկերի ֆինանսական վարկանիշի 31.12.2010 թ. տվյալներով, Ամերիաբանկը կորպորատիվ պարտատոմսերի տեղաբաշխումից ներգրավված միջոցների ծավալով զբաղեցնում է 2 - րդ տեղը '106.9 մլրդ դրամ կամ 204.6 մլն դոլար տարեկան կտրվածքով բանկը այդ ցուցանիշը ավելացրել է 96%-ով, ընդ որում, միայն IV եռամսյակում' 55.3% - ով: Այս ցուցանիշի ընդհանուր ծավալում Ամերիաբանկին բաժին է ընկել շուրջ 25% - ը: Ամերիաբանկը բավականին ակտիվ է Հայաստանի կորպորատիվ պարտատոմսերի շուկայում ՝ թողարկելով իր արժեթղթերը 2016թ. մարտից, և նույն թվականին նախաձեռնելով առաջին թողարկումը միջազգային շուկայում ՝ հունիսին իր ներդրումային կառավարչի ՝ responsAbility Investments AG ընկերության միջոցով հաջողությամբ տեղաբաշխել է 20 մլն դոլար ծավալով պարտքային արժեթղթերը լյուքսեմբուրգյան 4 ներդրումային ֆոնդերում: Ամերիաբանկը բազմիցս ճանաչվել է "արժեթղթերի միջազգային շուկայում Դեպոզիտար համակարգի հաշվի կաստադիան լավագույն օպերատոր":

Հիշեցնենք, որ 1996թ. հոկտեմբերի 31-ից հայաստանյան շուկայում գործող Ամերիաբանկը ունիվերսալ բանկ է, որը ներդրումային, կորպորատիվ և մանրածախ բանկային ծառայություններ է մատուցում բանկային լուծումների համալիր փաթեթի տեսքով: 2021թ. հունվարի 1-ի դրությամբ Բանկի բաժնետերերն են հանդիսանում Imast Group (CY) Limited (նախորդ անվանումը 'Ամերիա Գրուպ (Սի - Ուայ) Լիմիթեդ' 48,95%, EBRD ՝ 17,76%, Ասիական զարգացման բանկ' 13,94%, ESPS Holding Limited՝ 11,83% եւ Afeyan Foundation for Armenia Inc.՝ 7,52%: