Արմինֆո. Հուլիսի 2-ին Կարեն Դեմիրճյանը անվան մարզահամերգային համալիրում տեղի է ունեցել Հայաստանում Next Generation Network (NGN) ամենաառաջատար օպտիկամանրաթելային ցանցի գործարկման հանդիսավոր արարողությունը: Հայաստանի հեռահաղորդակցության պատմության մեջ նման ճեղքում հաջողվել է կատարել Telecom Armenia (TM Beeline) եւ Nokia ընկերությունների համագործակցության շնորհիվ:
Նոր սերնդի ցանցի գործարկմամբ Հայաստանում յուրաքանչյուր բաժանորդի այսուհետ հասանելի կլինի 25 ԳԲ/վ արագությամբ ինտերնետ, ինչպես նաեւ "անտեսանելի մանրաթել" (dark fiber)՝ իր բնակարանից մինչեւ ընկերության սերվերներ: Բացի այդ, ցանցը հնարավորություն կտա արագ իրականացնել ակտիվ սարքավորուման վերազինում։
Հանդիսավոր արարողության ընթացքում Telecom Armenia-ի գլխավոր տնօրեն Հայկ Եսայանը հուլիսի 2-ը համարել է պատմական օր Հայաստանի հեռահաղորդակցության ոլորտի համար: «Մեր ընկերությունը 1913 թվականից ծառայություններ է մատուցում ՀՀ-ում' սկսած հեռագրությունից' երկար տարիներ օգտագործելով պղնձե մալուխը: Այսօր մեր ցանցն ամբողջությամբ վերազինվում է և դառնում օպտիկամանրաթելային։ Դուք կասեք, որ նախկինում էլ ծառայություններ եք մատուցել՝ օգտագործելով օպտիկամանրաթելային ցանցը։ Սակայն նախկինում մեկ ցանց բածխվել է մի քանի բաժանորդների միջեւ։ Մինչդեռ, այսօր մեկ ցանցը հասանելի կլինի մեկ բաժանորդի համար։ Սա ամենամեծ առավելությունն է' ցանցի հիման վրա, որը արագ կարելի է վերազինել, կարելի է ներդնել տարբեր տեխնոլոգիաներ եւ ստանալ տարբեր արագություններ: Սա տարածաշրջանի ամենահզոր ցանցն է, որն այսօր մենք գործարկել ենք Դավթաշենում և շարունակելու ենք ողջ Երևանում", - ասել է նա։
Այդ համատեքստում Եսայանը պատմել է, որ ընկերությունը ծրագրում է մինչեւ հաջորդ տարվա վերջ ապահովել մայրաքաղաքի բոլոր վարչական շրջանների բնակիչների ցանցի հասանելիությունը: Ավելին, արդեն սկսվել են ցանցի ներդրման աշխատանքները Քաջարան, Հրազդան եւ Ջերմուկ քաղաքներում: "Եվ սա մեծ առաջընթաց քայլ առաջ է ինչպես կապի օպերատորի, այնպես էլ երկրի համար", - ասել է նա:
Ընկերության տեխնիկական տնօրեն Գեւորգ Գեւորգյանն, իր հերթին, ընդգծել է, որ ցանցին միանալու համար կկիրառվեն 6-րդ սերնդի wi-fi սարքավորումներ, որոնց առավելագույն թողունակությունը կազմում է 9,6 Գբ/վ: Նրա խոսքով, wi-fi 6 տեխնոլոգիան բարձրացնում է մի քանի սարքերի միաժամանակյա միացման արդյունավետությունը' օպտիմալացնելով դրանց թրաֆիկը: Բացի այդ, wi-fi 6-ում կա TWT գործառույթ, որը հնարավորություն է ընձեռում ավելացնել սարքերի ինքնավար աշխատանքի ժամանակը:
Նման արագության Wi-fi-ի հասանելիության համար ընտրվել են այդ ոլորտում առաջատար խաղացողի ՝ Nokia ընկերության սարքավորումները։ Նշվել է, որ նոր ցանցին միացող բաժանորդները կօգտագործեն ընկերության կողմից տրամադրված Noika Beacon սարքավորումները:
Գոհունակություն հայտնելով Հայաստանի հետ համագործակցության կապակցությամբ՝ Nokia Fixed Networks ընկերության Կենտրոնական Եվրոպայի և Ասիայի տարածաշրջանային փոխնախագահ Միկկո Լավանտին նշել է, որ այդ ցանցը նոր հնարավորություններ կընձեռի Հայաստանի, այդ թվում ՝ բիզնեսի զարգացման համար: "Դուք կարող եք իրավամբ հպարտանալ, չէ որ սա ամենամեծ արագությունն է ոչ միայն Հայաստանում, այլև ողջ տարածաշրջանում", - ասել է նա:
Next Generation Network ցանցի գործարկման հանդիսավոր արարողության պաշտոնական հյուրերի թվում էր ՀՀ էկոնոմիկայի նախարարի պաշտոնակատար Վահան Քերոբյանը: Լրագրողների հետ զրույցում նա նշել է, որ ընկերության առաջարկած տեխնոլոգիան հեղափոխական է, և մարդկանց հնարավորություն է ընձեռում տանը նստած նվաճելլ ողջ աշխարհը։ "Վստահ եմ, որ այս ենթակառուցվածքի ներդրումը աղբյուր կհանդիսանա բարձր տնտեսական աճի համար։ Արդյունքում՝ նման առաջադեմ տեխնոլոգիաներն ու արագությունը հիմք կհանդիսանան նոր ընկերությունների ստեղծման համար, այդ թվում ՝ ՏՏ ոլորտում, ինչը, որպես հետեւանք, կհանգեցնի բիզնեսի, տնտեսության աճի", - ասել է Քերոբյանը։
Այս ցանցի հիման վրա ընկերությունը մշակել է Cosmo-ի հատուկ սակագնային փաթեթներ, որոնք ներառում են գերարագ տնային ինտերնետ, բջջային կապ, IPTV, wi-fi սարքավորումներ եւ wi-fi ուժեղացուցիչ: Սակագնային փաթեթների մասին ավելի մանրամասն տեղեկատվություն ներկայացված է հետևյալ հղումով. https://cosmo.beeline.am/ru/cosmo/:
Նշենք, որ ցանցի կառուցման սկզբնական փուլում Telecom Armenia ընկերությունը ներդրել է 25 մլն դոլար: