2021 թվականի առաջին կիսամյակում ԵԱՏՄ արտաքին առևտուրն աճել է 24,5 տոկոսով, սակայն դա բավարար չէ. ԵՏՀ կոլեգիայի նախագահ

Արմինֆո.Եվրասիական միջկառավարական խորհրդի նիստի նախաշեմին Չոլպոն-Աթայում (Ղրղզստան) "Նոր մարտահրավերներ և հնարավորություններ ԵԱՏՄ բիզնես-գործընկերոության համար" ղրղզառուսական երրորդ գործարար համաժողովում Եվրասիական տնտեսական հանձնաժողովի կոլեգիայի նախագահ Միխայիլ Մյասնիկովիչը նշել է ԵԱՏՄ տնտեսությունում դրական դինամիկան ընթացիկ տարում: Այդ մասին հաղորդել է ԲԵԼՏԱ-ն՝վկայակոչելով ԵՏՀ մամուլի ծառայությունը:

ԵՏՀ կոլեգիայի նախագահ խոսքով՝ Եվրասիական տնտեսական միության տնտեսության զարգացման գործում մեծ դեր պետք է խաղան մասշտաբային նախագծեր, որոնց հիմքում առեւտրային շահն է: "ԵՏՀ-ն առաջարկել է մշակել մոտիվացիայի նոր գործիքներ համատեղ ձեռնարկությունների՝ Եվրասիական անդրազգային ընկերությունների ստեղծման համար", - պատմել են մամուլի ծառայությունում:

Խոսքը վերաբերում է հանձնաժողովի մասնակցությանը Եվրասիական զարգացման բանկի (ԵԱԶԲ) կոոպերացիոն նախագծերի ֆինանսավորմանը, Կայունացման և զարգացման եվրասիական հիմնադրամի ռեսուրսների օգտագործմանը, ինչպես նաև միջպետական ծրագրերի և նախագծերի մեխանիզմին:

Այսպես, առաջին կիսամյակում արդյունաբերական արտադրության ծավալներն, ընդհանուր առմամբ, միությունում աճել են 4,4 տոկոսով, մշակող արդյունաբերությունում ՝ 6,5 տոկոսով։ Ավելի քան 9% - ով ավելացել է սպառողական պահանջարկը, գործազուրկների թիվը կրճատվել է երկու անգամ։ Ապրանքների փոխադարձ առևտուրը 31,9% աճ է գրանցել։ Արձանագրվել է ԵԱՏՄ պետությունների միջև կոոպերացիոն մատակարարումների ծավալների 25% աճ։

ԵՏՀ կոլեգիայի նախագահի խոսքով՝ հանձնաժողովը օտարերկրյա շուկաներ եվրասիական բիզնեսի համատեղ ելքի համար պայմանների ստեղծման անհրաժեշտություն է տեսնում: 2021 թվականի առաջին կիսամյակում արտաքին առեւտուրն աճել է 24,5 տոկոսով,սակայն, նրա համոզմամբ, դա բավարար չէ: