Արմինֆո.Փոխվարչապետ Սուրեն Պապիկյանը (ժամանակավորապես փոխարինում է վարչապետին) էկոնոմիկայի նախարարի տեղակալ Նարեկ Մկրտչյանին գործուղել է Արաբական Միացյալ Էմիրություններ (ք. Դուբայ):
Ինչպես ասվում է Պապիկյանի սեպտեմբերի 1-ի որոշման մեջ, որը զետեղված է կառավարության պաշտոնական կայքում, սեպտեմբերի 5-7-ը Մկրտչյանը կմեկնի Դուբայ՝ Dubai Expo 2020 համաշխարհային ցուցահանդեսին ՀՀ մասնակցության նախապատրաստական աշխատանքները համակարգելու նպատակով:
Ավելի վաղ հաղորդվել էր, որ հայկական ընկերությունները հրավիրվում են մասնակցելու Dubai Expo 2020-ի շրջանակում կայանալիք "Made in Armenia" քառօրյա ցուցահանդեսին: Համաշխարհային ցուցահանդեսին մասնակցությունը թույլ կտա ոչ միայն համաշխարհային շուկային ներկայացնել հայկական ապրանքներն ու ծառայությունները, այլև նոր գործարար կապեր հաստատել, հանդիպումներ ունենալ օտարերկրյա պոտենցիալ ներդրողների և գործընկերների հետ, ասվում է ՀՀ էկոնոմիկայի նախարարության հաղորդագրության մեջ:
Dubai Expo 2021 համաշխարհային ցուցահանդեսին մասնակցելու համար, որը կանցնի "Միացնելով մտքերը՝ կերտում ենք ապագան" կարգախոսով եւ տեղի կունենա 2021 թվականի հոկտեմբերի 1-ից մինչեւ 2022 թվականի մարտի 31-ը Դուբայում, Հայաստանը պետբյուջեից կծախսի 650 մլն դրամ (մոտ 1 մլն 250 հազար դոլար):
Նշենք, որ Dubai Expo 2021-ը կարտացոլի գործընկերության եւ համագործակցության հզոր ոգին, որը նպաստում է զարգացման նոր ուղիների եւ նորարարությունների յուրացմանը: Այս թեմայի շրջանակներում Expo 2021 Dubai-ը կծառայի որպես կատալիզատոր, որը միավորում է աշխարհի բոլոր մտքերն ու ոգեշնչում մասնակիցներին ՝ գլոբալ մասշտաբի ընդհանուր խնդիրների լուծմանն ուղղված ջանքերի մոբիլիզացման համար՝ հետևյալ թեմաների շրջանակներում. շարժունակություն, հնարավորություններ և կայուն զարգացում ։ Յուրաքանչյուր համաշխարհային տոնավաճառի առանձնահատկությունը մասնակից երկրների ազգային տաղավարներն են, որտեղ ցուցանմուշները հնարավորություն կընձեռեն ծանոթանալու հետաքրքիր ապրանքների ողջ աշխարհից, կիսվելու իրենց հարուստ ժառանգությամբ և կնքելու միջազգային առևտրային գործարքներ: Ցուցահանդեսը կդառնա գաղափարների և տեխնոլոգիաների հանդիպման վայր, ինչպես նաև հարթակ կհանդիսանա տնտեսական, սոցիալական և էկոլոգիական զարգացման համար:
Dubai Expo 2021-ի տաղավարները 136-ն են լինելու։ Ակնկալվում է, որ ցուցահանդեսին կմասնակցեն ավելի քան 200 մասնակիցներ և ավելի քան 25 մլն հյուրեր (այցելուների 70% - ը կժամանի արտերկրից): Դա կլինի պատմության մեջ առաջին համաշխարհային ցուցահանդեսը, որտեղ այցելուների մեծ մասը կլինեն օտարերկրացիներ: Ցուցահանդեսի վայրը, որը կզբաղեցնի 438 հա, ընտրել են Դուբայից հարավ-արեւմուտք ՝ Ջեբել Ալի նավահանգստային քաղաքի մոտ, Al Maktoum նոր միջազգային օդանավակայանից ոչ հեռու: Պաշտոնական հարթակ կդառնա մի ամբողջ նոր կառուցվող թաղամաս՝ District 2021-ը: Քանի որ այն գտնվում է օդանավակայանից ոչ հեռու, ապա կդառնա նաև անմաքս առևտրի կենտրոն։ Հաջորդ համաշխարհային ցուցահանդեսը՝ Expo-2025-ը, տեղի կունենա Օսակայում (Ճապոնիա):
