Արմինֆո.Մոտ ժամանակներս ադրբեջանական ոստիկանության կողմից Հայաստանի ինքնիշխան տարածքում իրանական բեռնատարների արգելափակման հարցը կլուծվի։ Այս մասին սեպտեմբերի 16-ին ճեպազրույցի ժամանակ հայտարարել է ՀՀ էկոնոմիկայի նախարար Վահան Քերոբյանը։
"Անշուշտ, դա խոչընդոտներ է ստեղծել, բայց վստահ եմ, որ շուտով մենք կլուծենք այդ հարցը", - ասել է պաշտոնյան: Ընդ որում, նա նշել է, որ վատթարագույն սցենարի զարգացման դեպքում կա "պլան Բ"։ Այդ կապակցությամբ նա հիշեցրել է շրջանցիկ ճանապարհի մասին, որը, ճիշտ է, լավագույն վիճակում չէ, սակայն, աշխատող է։ Քերոբյանը նշել է, որ այսօր ինտենսիվ աշխատանքներ են տարվում դրա անցանելիության բարելավման ուղղությամբ:
Բացի այդ, մենք մոտ ենք Հյուսիս-Հարավ փոխադրամիջանցքի Քաջարան-Սիսիան ճանապարհահատվածում աշխատանքների մեկնարկին: Կառավարությունը մտադիր է 487 մլրդ դրամ (մոտ 1 մլրդ դոլար) ներդնել այդ հատվածի կառուցման համար", - ասել է նա։
Հիշեցնենք, որ սեպտեմբերի սկզբին ադրբեջանական կողմը Հայաստանի Հանրապետության ինքնիշխան տարածքում տեղակայել է ոստիկանական պահակակետ՝ Որոտան գյուղի մոտ փակելով Երեւան-Կապան Մ2 միջպետական ճանապարհը:
RUB | 4.37 | -0.01 |
USD | 401.96 | -0.67 |
EUR | 438.10 | -0.36 |
GBP | 511.98 | -1.33 |
CAD | 296.82 | -0.70 |
JPY | 26.96 | -0.10 |
CNY | 55.84 | -0.11 |
CHF | 455.17 | -0.60 |