Արմինֆո. Մեկ օր առաջ Հայաստանի Կենտրոնական բանկը բարելավել էր երկրի տնտեսական աճի կանխատեսումը 4,6 տոկոսից մինչեւ 5,4 տոկոս: Սակայն, էկոնոմիկայի նախարար Վահան Քերոբյանի կարծիքով, կարգավորողի նման գնահատականը բավականին հոռետեսական է։ Այդ մասին նա հայտարարել Է սեպտեմբերի 16-ին ճեպազրույցի ժամանակ։
Այդ առնչությամբ նախարարը հիշեցրել է Հայաստանի տնտեսության սպասվող 1% աճի վերաբերյալ ԱՄՀ-ի ապրիլյան կանխատեսման մասին, որը բարձրացվել է մինչեւ 6,5%: "Իհարկե, կարելի է հասկանալ մեր գործընկերներին, շատ անորոշություններ կային, այդ թվում ՝ հաշվի առնելով պատերազմական իրավիճակը, ներքաղաքական իրավիճակը։ Ուստի, նրանք, որպես կանոն, ընտրում են առավել հոռետեսական կանխատեսումը: Տեսնենք, թե որ ցուցանիշին ենք մենք դուրս գալու, դա կախված է բազմաթիվ գործոններից։ Բայց ես մնում եմ իմ կարծիքին՝ անվանական արժեքի տեսանկյունից ՀՆԱ-ի աճը կլինի 15-20%-ի սահմաններում", - նշել է նախարարը։
Ուշադրություն հրավիրելով բավականին մեծ դեֆլյատորին, որը, նրա խոսքով, կանդրադառնա նվազման վրա, այնուամենայնիվ, նա հավաստիացրել է. "Կարծում եմ, մենք մոտ կլինենք ՀՆԱ-ի իրական աճի երկնիշ ցուցանիշների":
Հիշեցնենք, որ Հայաստանի կենտրոնական բանկը բարձրացրել է Հայաստանի 2021 թվականի տնտեսական աճի կանխատեսումը մինչեւ 5,4 տոկոս՝ նախկինում ակնկալվող 4,6 տոկոսից: Հունիսին Համաշխարհային բանկի (ՀԲ) նորացված կանխատեսման համաձայն, Հայաստանի ՀՆԱ-ի աճը 2021թ. կկազմի 3,4%: ԱՄՀ-ն իր մայիսյան զեկույցում Հայաստանի համար ակնկալում էր 2021 թվականին ՀՆԱ-ի 1 տոկոս աճ, սակայն այսօր կանխատեսումը բարելավել է մինչեւ 6,5 տոկոս:
RUB | 4.21 | -0.05 |
USD | 388.01 | 0.28 |
EUR | 417.11 | -0.44 |
GBP | 484.90 | -1.43 |
CAD | 282.27 | -1.16 |
JPY | 24.97 | -0.13 |
CNY | 53.69 | -0.03 |
CHF | 426.99 | -0.40 |