Արմինֆո.Արաբական Միացյալ Էմիրությունների մայրաքաղաքում տեղի է ունեցել EXPO-2020 համաշխարհային ցուցահանդեսում հայկական տաղավարի հանդիսավոր բացումը:
Միջոցառմանը, որը կտեւի կես տարի, մասնակցում է շուրջ 190 երկիր, որոնք կներկայացնեն ապագայի իրենց տեսլականը, կքննարկեն էկոլոգիայի եւ գլոբալ համագործակցության խնդիրները "Միավորելով գաղափարները, ստեղծելով ապագա" գլխավոր թեմայի շրջանակում: Կազմակերպիչներն ակնկալում են, որ ցուցահանդեսի աշխատանքի կես տարվա ընթացքում կգրանցվի շուրջ 25 մլն այցելություն: Նշվել է նաեւ, որ երկրի կառավարությունը 7 մլրդ դոլար է ծախսել նման մասշտաբի միջոցառում անցկացնելու համար։
ՀՀ էկոնոմիկայի նախարար Վահան Քերոբյանի խոսքերով, հայկական տաղավարը ներկայացված է տասնյակ ընկերությունների կողմից, որոնք աշխատում են տեխնոլոգիաների, գյուղատնտեսության, արդյունաբերության, դեղագործության, զբոսաշրջության, ոսկերչության և այլ ոլորտներում: "6 ամսվա ընթացքում մենք կանենք հնարավոր ամեն ինչ, որպեսզի Հայաստանի նկատմամբ հետաքրքրությունը մեծանա՝ ներդրումների, զբոսաշրջության, արտահանման, առևտրի տեսանկյունից", - ասել է նա:
Նշելով, որ ցուցահանդեսն անցկացվում է 5 տարին մեկ անգամ, Քերոբյանը հավելել է. "Այստեղ ներկայացված բոլոր երկրները կփորձեն ցուցադրել իրենց բացառիկ առանձնահատկությունները։ Այս առումով ընդգծեմ, որ Հայաստանը, որպես հնագույն պետություն, միշտ եղել է էթնոտեխնոլոգիական, իսկ նորարարությունն ու ստեղծարարությունը դրսևորվում է ոչ միայն տեխնոլոգիական ոլորտում, այլև մի շարք այլ ուղղություններով" ։
RUB | 4.22 | 0.04 |
USD | 388.60 | -1.44 |
EUR | 416.73 | 1.10 |
GBP | 485.98 | 4.24 |
CAD | 284.02 | -0.58 |
JPY | 24.99 | -0.21 |
CNY | 53.63 | -0.19 |
CHF | 425.54 | -2.14 |