Արմինֆո. Տարածքների համաչափ զարգացումն ու ապակենտրոնացված միջտարածաշրջանային համագործակցության զարգացումն առաջնահերթ խնդիրներ են ՀՀ կառավարության համար: Այդ մասին Հայ-ռուսական միջտարածաշրջանային համաժողովում իր ելույթում հայտարարել է ՀՀ տարածքային զարգացման եւ ենթակառուցվածքների նախարար Գնել Սանոսյանը։
Այս համատեքստում նա հավելել է, որ Հայաստանի Հանրապետության և Ռուսաստանի Դաշնության միջև միջտարածաշրջանային ապակենտրոնացված համագործակցությունն ավանդաբար զարգացել է մշակույթի և կրթության, առողջապահության և զբոսաշրջության ոլորտներում` ընգծելով երկու երկրների ժողովուրդների պատմական հոգևոր ժառանգությունը պահպանելու և հայ-ռուսական հարաբերությունների բազմազան սպեկտրը էլ ավելի հարստացնելու փոխադարձ կամքը:
«Միջտարածաշրջանային հորիզոնական շփումները մարզերի համար տնտեսական աճի, գիտակրթական և մշակութային կյանքի զարգացման հիանալի հնարավորություն են ստեղծում, ինչպես նաև ամրապնդում մեր երկրների բարեկամական հարաբերությունները։ Եթե կարողանանք օգտվել միջտարածաշրջանային ապակենտրոնացված համագործակցության ողջ ներուժից, ապա մեզ կհաջողվի նոր որակ հաղորդել մեր մարզերի բնակիչների կյանքին։ Ասվածի վառ վկայությունն է նաև երեկ տեղի ունեցած աշխատանքային կլոր սեղանների թեմատիկան և շահագրգիռ ու բովանդակալից քննարկումները։ Եվրասիական ինտեգրման գործընթացի առաջնահերթությունների սահմանումը, արդյունաբերական կլաստերների ներուժի ուսումնասիրումն ու համատեղ ծրագրերի նախանշումը, պատմամշակութային զբոսաշրջության զարգացումը, մեր ռեգիոնների երիտասարդների շփումները – մեր տարածքային համագործակցության տեսանկյունից հեռանկարային են և երկուստեք խոստումնալից։
Հարկ է ընդգծել, որ պարբերաբար տեղի ունեցող այս Համաժողովը հիանալի հարթակ է վեր հանելու այն բոլոր խնդիրները, որոնց լուծումը կխթանի մեր երկրների միջև միջտարածաշրջանային համագործակցության զարգացումը, կնպաստի արտադրության մեջ առաջադեմ տեխնոլոգիաներ և չափանիշներ որդեգրած ձեռնարկատերերի և գործարար շրջանակների շփումներին, ճանապարհ կհարթի տնտեսական և մտավոր ներուժի լիարժեք օգտագործման, նոր գաղափարների ներդրման և լավագույն փորձի փոխանակման վրա:
Ամփոփելով ելույթս` ցանկանում եմ արձանագրել, որ այս երկու օրերի ընթացքում մենք ձևավորեցինք հագեցված օրակարգ՝ մեր հետագա համագործակցության համար։ Հատկապես անհրաժեշտ եմ համարում շեշտել մեր նախարարությունների, մասնակիցների, և անկասկած կազմակերպիչների կատարծ մեծ աշխատանքը», - նշել է ՏԿԵ նախարարը։
Հիշեցնենք, որ Հայաստանի եւ Ռուսաստանի միջեւ միջտարածաշրջանային համաժողովն անցկացվում է 2011 թվականից՝ երկու պետությունների տարածքային միավորների միջեւ համագործակցության ընդլայնման նպատակով: Համաժողովի շրջանակներում Հայաստան է ժամանել գործարար առաքելություն ՌԴ-ից, որի կազմում ընդգրկված են 24 ռուսաստանյան արտահանողներ, որոնք ներկայացնում են սննդի արդյունաբերության արտադրանքը, գյուղատնտեսական տեխնիկան, շինարարական տեխնիկան, տեղեկատվական տեխնոլոգիաները արդյունաբերության տարբեր ճյուղերի համար, էներգետիկան, մեքենաշինությունը, բժշկությունը և դեղագործությունը:
Իշխանությունները դադար են վերցնում... Պարզվում է՝ Հայաստանը պատրաստ չէր արևային էներգետիկայի բումին
ԵՏՀ նախարար. 10 տարվա ընթացքում Եվրասիական միությունն ապացուցել է իր արդյունավետությունը 
Բաց նամակ՝ Ուղերձ «Կրիպտոակտիվների մասին» հավասարակշռված և արդի օրենքի փոխադարձաբար ընդունելի մոտեցման հասնելու համար:
ՉԺՀ-ը պատրաստվում է "Մեկ գոտի, մեկ ճանապարհ" նախաձեռնության նոր գլուխ բացել՝ դրանում Հայաստանի ներգրավմամբ. չինացի դիվանագետ
Ավարտվել է «Արդշինբանկ» ՓԲԸ և «Արդշինինվեստբանկ» ՓԲԸ միացման գործընթացը
Տարեսկզբից ի վեր Երեւանում ձեռք բերված հասարակական տրանսպորտի տոմսերի ընդհանուր ծավալում փաթեթայիններին բաժին է ընկել ընդամենը 1,2%
Թրամփի առանձնատանը կայացել են Նարեկ Մկրտչյանի հանդիպումները մի շարք ամերիկացի գործիչների հետ