Հինգշաբթի, 21 Հոկտեմբերի 2021 11:56

Արմինֆո. Հայաստանի բանկային համակարգը 2021 թվականի հունվար-սեպտեմբերին հարկերի գծով պետական գանձարան է ուղղորդել 40.9 մլրդ դրամ կամ  84.5 մլն դոլար, ինչը 7.6% - ով բարձր է մեկ տարվա վաղեմության ցուցանիշից։

Այդ գումարից 85,5 տոկոսը կամ 35 մլրդ դրամ վճարվել է ուղղակի հարկերի գծով (այդ թվում ՝ շահութահարկ եւ եկամտահարկ)՝ տարեկան 5,4 տոկոս աճով։ Հայաստանի 1000 խոշոր հարկատուների վճարումների ընդհանուր ծավալում 17 բանկերին բաժին է ընկնում 4,7% - ը (նախորդ տարվա 5,3% - ի դիմաց): Այդ մասին են վկայում ՀՀ Պետեկամուտների կոմիտեի տվյալները։ Հարկատուների առաջին հնգյակում են Ամերիաբանկը, ACBA Bank-ը, Ինեկոբանկը, Հայբիզնեսբանկը և Հայէկոնոմբանկը, որոնք  2021թ.  9 ամսում պետական գանձարան են ուղղորդել, ընդհանուր առմամբ, 22.3 մլրդ դրամ (տարեկան աճը ՝ 17.3%), որից 19.9 մլրդ դրամը՝ ուղղակի հարկերի գծով (տարեկան աճը ՝ 19.1%)։

 

Ըստ աղբյուրի, 2021թ. 9 ամիսների արդյունքներով Հայաստանի խոշորագույն հարկատուների առաջին հարյուրյակում 17 գործող բանկերից ընդգրկվել են 10-ը' նախորդ տարվա 12-ի դիմաց: Խոշոր հարկատուների ցանկում բանկերի շրջանում առաջատար Ամերիաբանկն զբաղեցրել է 15-րդ տեղը (նախորդ տարվա 24-դրի դիմաց), պետական գանձարան վճարելով 7.1 մլրդ դրամ, որից 6.6 մլրդ դրամը' ուղղակի հարկերի գծով: Նրան հետեւում են ACBA Bank-ը՝ 25-րդ տեղ (նախկին 22-րդի փոխարեն), որը պետբյուջե է ուղղորդել 4.4 մլրդ դրամ, որից 3.5 մլրդ դրամը՝ ուղղակի հարկեր են (այդ թվում ՝ շահութահարկ ու եկամտահարկ), Ինեկոբանկը՝ 28 - րդ տեղ (նախորդ տարվա 48-րդի դիմաց), որը վճարել է 4.2 մլրդ դրամ (այդ թվում ՝ 3.8 մլրդ ուղղակի հարկեր), Հայբիզնեսբանկը՝ 36-րդ տեղ (նախորդ տարվա 32-րդի դիմաց), ուղղորդելով 3.5 մլրդ դրամ, որից 3.2 մլրդ-ը ՝ ուղղակի հարկեր: Եվ առաջատարների հնգյակը եզրափակում է Հայէկոնոմբանկը ՝ 43-րդ տեղ (նախորդ տարվա 56-րդի դիմաց), որը պետբյուջե է վճարել 3.2 մլրդ դրամ, որից 2.6 մլրդ-ը ՝ ուղղակի հարկերի գծով։

 

Խոշոր հարկատուների առաջին հարյուրյակում են նաեւ ՎՏԲ-Հայաստան Բանկը՝ 58-րդ տեղ (նախորդ տարվա 59-րդի դիմաց)՝ 2.6 մլրդ դրամ (որից 2 մլրդ՝ ուղղակի հարկեր), Արմսվիսբանկը՝ 61-րդ տեղ (նախորդ տարվա 29-րդի դիմաց)՝ 2.4 մլրդ դրամ(որից 2,3 մլրդ՝ ուղղակի հարկեր), IDBank-ը՝ 76-րդ տեղ (նախորդ տարվա 134-րդի դիմաց)՝ 2 մլրդ դրամ (որից 1.8 մլրդ դրամ՝ ուղղակի հարկեր), Կոնվերս Բանկը՝ 82-րդ տեղ (նախորդ տարվա 41-րդի դիմաց)՝ 1.8 մլրդ դրամ (որից 1.4 մլրդ՝ ուղղակի հարկեր)։

 

Հայաստանի խոշոր հարկատուների երկրորդ հարյուրյակում են հայտնվել Յունիբանկը՝ 102-րդ տեղ (նախորդ տարվա 52-րդի դիմաց)՝ 1.6 մլրդ դրամ, որից 1.3 մլրդ դրամը՝ ուղղակի հարկեր, ԱՐԱՐԱՏԲԱՆԿԸ ՝ 104-րդ տեղը (նախորդ տարվա 79-րդի դիմաց)՝ 1.6 մլրդ դրամ, որից 1.1 մլրդ՝ ուղղակի հարկեր, «Էյչ-Էս-Բի-Սի բանկ Հայաստանը»՝ 108-րդ տեղ (նախորդ տարվա 101-րդի դիմաց)՝ 1.5 մլրդ  դրամ, այդ թվում ՝ 800.1 մլն դրամ ուղղակի հարկերի գծով։

 

Հայաստանի 1000 խոշոր հարկատուների ցուցակում ընդգրկվել են նաեւ Byblos Bank Armenia-ն' 226-րդ տեղ (նախորդ տարվա 194-րդի դիմաց)' 693.5 մլն դրամ, այդ թվում' 608.4 մլն դրամ' ուղղակի հարկեր, Evocabank - ը' 245-րդ տեղ (նախորդ տարվա 91-րդի դիմաց)' 642.5 մլն դրամ, որից 485 մլն' ուղղակի հարկեր, Մելլաթ Բանկը' 293-րդ տեղ (նախորդ տարվա 224-րդի դիմաց)' 555.9 մլն դրամ, որից 521,7 մլն՝ ուղղակի հարկեր, եւ Արցախբանկը՝ 849-րդ տեղ (նախորդ 641-րդի փոխարեն)՝ 178.3 մլն դրամ, որից 143.3 մլն դրամ' եկամտահարկի գծով:

 

Նշենք, որ 2020թ. հունվար - սեպտեմբեր ամիսներին հարկատուների առաջին հնգյակում էին ACBA Bank-ը, Ամերիաբանկը, Արմսվիսբանկը, Հայբիզնեսբանկը եւ Արդշինբանկը, որոնք, ընդհանուր առմամբ, 2020թ. հունվար-սեպտեմբերին պետական գանձարան էին ուղարկել 19 մլրդ դրամ (տարեկան անկումը 18%), որից 16.7 մլրդ դրամ' ուղղակի հարկերի գծով (տարեկան անկումը 25%): Իսկ ընդհանուր առմամբ, բանկային համակարգը (բոլոր 17 բանկերը) 2020 թվականի 9 ամիսների ընթացքում հարկերի գծով պետական գանձարան է փոխանցել 38 մլրդ դրամ կամ 78 մլն դոլար (տարեկան 10 տոկոս անկումով): Այդ գումարից 87,4% - ը կամ 33.2 մլրդ դրամը վճարվել է ուղղակի հարկերի գծով (այդ թվում ՝ շահութահարկ եւ եկամտահարկ)՝ 15% տարեկան անկմամբ: (Դրամի հաշվարկային փոխարժեքը դոլարի նկատմամբ 30.09.2021թ. դրությամբ կազմել է 484.20 դրամ/1դոլար):