Արմինֆո.Նոյեմբերի 29-ին Նիդերլանդներում ՀՀ դեսպան Տիգրան Բալայանը որպես հիմնական բանախոս մասնակցել է Միջազգային Քրիստոնեական խորհրդի կողմից կազմակերպված գործարարների հետ աշխատանքային ճաշին։
Ինչպես հաղորդում է Նիդերլանդներում ՀՀ դեսպանության մամուլի ծառայությունը, դեսպան Բալայանը գործարարներին ներկայացրել է հայ-նիդերլանդական հարաբերությունների պատմությունը, Նիդերլանդներում հայկական դարավոր ներկայությունը, առկա առևտրատնտեսական համագործակցությունը և դրանց ընդլայնման ուղղությամբ գործադրվող ջանքերը։
Talenting Investment ընկերության նախագահ Խայս Վիլեմ Սլոֆը նիդերալանդացի գործարարներին պատմել է իր կողմից Հայաստանում կատարված ներդրումների և դրանց արդյունավետության մասին և քաջալերեց հետևել իր օրինակին։
Միջոցառման կազմակերպիչ Միջազգային Քրիստոնեական խորհրդի նախագահ Հենկ Յան ֆան Սխոթհորստը ներկայացրել է հայ և նիդերլանդացի ժողովուրդների հոգևոր և մշակութային կապերը, ինչպես նաև իր ղեկավարած կառույցի կողմից իրականացվող աշխատանքները։
Ի գնահատանք հայ-նիդերլանդական կապերը զարգացնելու ուղղությամբ Խայս Վիլեմ Սլոֆի և Հենկ Յան ֆան Սխոթհորստի ջանքերի դեսպան Բալայանը վերջիններիս հանձնել է Հայաստանի և Նիդերլանդների միջև դիվանագիտական հարաբերությունների հաստատման 30-րդ տարեդարձի կապակցությամբ թողարկված նամականիշների առաջին օրինակները։ Հանդիպմանը քննարկվել է Հայաստան գործարար առաքելություն կազմակերպելու հնարավորությունը։
ՀՀ վիճակագրական կոմիտեի տվյալների համաձայն, 2021 թվականի հունվար-սեպտեմբերին Հայաստանի և Նիդերլանդների միջև արտաքին առևտրաշրջանառությունը կազմել է 149.2 մլն դոլար՝ տարեկան 52.1% աճով: Ընդ որում, Նիդերլանդները Հայաստանի առեւտրական գործընկեր երկրների առաջատար հնգյակում է արտահանման ծավալով ՝ ավելի քան 122 մլն դոլար՝ տարեկան 64,4% աճով: Նիդերլանդներից ներմուծման ծավալը կազմել է 27,2 մլն դոլար՝ տարեկան 14% աճով:
RUB | 4.23 | 0.01 |
USD | 387.32 | -0.31 |
EUR | 416.10 | 1.18 |
GBP | 486.40 | 1.36 |
CAD | 283.52 | 1.05 |
JPY | 25.30 | 0.30 |
CNY | 53.49 | -0.04 |
CHF | 426.85 | 1.63 |