Հայաստանի Կենտրոնական բանկը 2022 թվականի վերջին ակնկալում է գնաճի մոտեցում նպատակային շեմին

Արմինֆո.Հայաստանի Կենտրոնական բանկն ակնկալում է, որ 2022 թվականի վերջին գնաճը կմոտենա նպատակային շեմին (4%, +/-1,5): Այդ մասին փետրվարի 1-ին վերաֆինանսավորման տոկոսադրույքի բարձրացմանը նվիրված մամուլի ասուլիսի ժամանակ հայտարարել է  ԿԲ նախագահ Մարտին Գալստյանը՝ 2022 թվականի համար կանխատեսելով 5-5, 5 տոկոս գնաճ։

Կենտրոնական բանկի ղեկավարը, վկայակոչելով բազային սցենարը, ընդգծել է, որ 2022 թվականին պարենային շուկայում գնաճը չի կրկնի 2021 թվականի միտումը. «Գնաճ կլինի, սակայն տեմպերը կդանդաղեն»:

Մ. Գալստյանը նշել է, որ հաշվի առնելով ս. թ. փետրվարից էլեկտրաէներգիայի և ջրի սակագների բարձրացումը, ինչպես նաև գազի սակագների փոփոխության անորոշության հետ կապված երկրորդական էֆեկտների որոշակի ազդեցությունը, ենթադրվող սցենարի վերլուծության համաձայն, ընդհանուր գնաճի վրա կարգավորվող գների փոփոխությունը բարձր ազդեցություն կունենա 1-1. 5 տոկոսային կետով:

Ընդ որում, նա դրական է գնահատել ԿԲ աշխատանքը 2021 թվին: "Հաշվարկները ցույց են տալիս, որ առանց կարգավորիչի իրականացրած միջոցառումների, ընդհանուր առմամբ, գնաճը երկրում կհասներ 15 տոկոսի, իսկ պարենային ապրանքների գների աճը կլիներ 22 տոկոսից բարձր":

Նշենք, որ ըստ վիճակագրական տվյալների, 2021թ. դեկտեմբերին Հայաստանի սպառողական շուկայում պաշտոնական տարեկան գնաճը կազմել է 1,6%, իսկ տարեկան գնաճը (2021թ. դեկտեմբերին՝ 2020թ. դեկտեմբերի համեմատ) հասել է 7,7% - ի ՝ 2020թ. դեկտեմբերի 3.4% - ի և  տարեկան 3.7% - ի դիմաց: իսկ ԿԲ-ի կողմից հաշվարկվող բազային գնաճը 2021թ. դեկտեմբերին կազմել է 0,6%, իսկ տարեկան 7,3% (2021թ. դեկտեմբերին 2020թ. դեկտեմբերի համեմատ), 2020թ. դեկտեմբերի 1,7 %-ի եւ տարեկան 3,6%-ի դիմաց: Մինչդեռ, դեկտեմբերի վերջին թարմացված Կենտրոնական բանկի կանխատեսումը 2021 թվականի համար կանխատեսում էր ավելի բարձր՝  8,4 տոկոս գնաճ ՝ 2022թ.  հետագա նվազմամբ մինչեւ 5,5 տոկոս: