Արմինֆո. Իտալական մի շարք ընկերություններ շահագրգռված են ներդրումներ կատարել Հայաստանի գյուղատնտեսության, էներգետիկայի ոլորտներում։ Այդ մասին ֆեյսբուքյան իր էջում հաղորդել է ՀՀ էկոնոմիկայի նախարար Վահան Քերոբյանը։
«Agroittica - պլանավորում են Հայաստանում ներդնել 25մլն եվրո և կառուցել թառափի բուծարան և հիմնել սև ձկնկիթի խոշոր արտադրություն Արմավիրի մարզում։
Torri Solare - պլանավորում են Հայաստանում հիմնել արևային վահանակների արտադրություն
Mea - պլանավորում են Հայաստանում ներդնել մոտ 30մլն եվրո և հիմնել խոշոր մսատու տավարաբուծական ֆերմա։ Այն ուղեկցվելու է բիոգազի, կենսահումուսի արտադրությամբ և ժամանակակից սպանդանոցով։
Cinausero Unika - պլանավորում են Հայաստանում հիմնել խոշոր խոզաբուծական ֆերմա։ Իտալիայի իրենց ֆերմայում, որտեղ աճեցնում են 15հզ գլուխ խոզ, աշխատում է 3 (երեք) հոգի», - գրել է նախարարը։
Նշենք, որ ըստ ՀՀ վիճակագրական կոմիտեի տվյալների, 2021 թվականի 11 ամիսներին Հայաստանի եւ Իտալիայի միջեւ առեւտրաշրջանառությունն աճել է 24,1 տոկոսով' կազմելով 262.6 մլն դոլար: Ընդ որում, արտահանումն աճել է 52,8 տոկոսով' մինչեւ 57.4 մլն դոլար, ներմուծումը' 17,8 տոկոսով ' մինչեւ 205.2 մլն դոլար:
