Հայաստանը կարող է Ռուսաստանի հանդեպ պարտքի մի մասը մարել համատեղ կլիմայական նախագծերի միջոցով

Արմինֆո. Ռուսաստանի հանդեպ Հայաստանի պարտքը կարող է հաշվվել համատեղ կլիմայական նախագծերի, այդ թվում հիդրոօդերևութաբանության և հասարակական տրանսպորտի էլեկտրաֆիկացման միջոցով:

Այդ մասին հաղորդում է Կրեմլի կայքը՝ ամփոփելով կլիմայի հարցերով Ռուսաստանի նախագահի հատուկ ներկայացուցիչ Ռուսլան Էդելգերիեւի եւ "պարտք կլիմայի դիմաց" մեխանիզմի գծով Հայաստանի լիազոր ներկայացուցիչ Էրիկ Գրիգորյանի բանակցությունների արդյունքները։

"Զրույցի ընթացքում քննարկվել են համատեղ կլիմայական նախագծերի իրականացման միջոցով Հայաստանի Հանրապետության պարտքի հաշվանցման հեռանկարները։ Նման մոտեցումը թույլ է տալիս նվազեցնել վարկառուի պարտքային բեռը և նպաստել տնտեսության ապակարբոնացման համալիր միջոցառումների անցկացմանը ։ Կողմերը նախանշել են մի շարք պոտենցիալ նախագծեր, այդ թվում ՝ հիդրոօդերեւութաբանական ծառայությունների ներուժի ամրապնդման, հասարակական տրանսպորտի էլեկտրիֆիկացման եւ կլիմայի փոփոխությանն ադապտացման ոլորտներում", - ասված է հաղորդագրության մեջ:

Մասնավորապես, Ռուսլան Էդելգերիեւը Էրիկ Գրիգորյանի հետ հանդիպման ժամանակ առաջարկել է դրա համար գործարկել շուկայական մեխանիզմները Փարիզի կլիմայի համաձայնագրի 6-րդ հոդվածի շրջանակներում, որոնք կարող են հիմք ծառայել համատեղ կլիմայական նախագծերի համար:

"Ազգային մակարդակով սահմանվող Ռուսաստանի Դաշնության ներդրումը կլիմայի վերաբերյալ փարիզյան համաձայնագրի ջերմային նպատակներին հասնելու գործում ներառում է կամավոր տեխնոլոգիական աջակցության ցուցաբերում 12 պետություններին, այդ թվում ՝ Հայաստանի Հանրապետությանը", - հստակեցվում է հաղորդագրության մեջ: Կողմերը պայմանավորվել են շարունակել փոխգործակցությունը աշխատանքային կարգով։

Նշենք, որ 2022 թվականի փետրվարի վերջին Հայաստանի պետական պարտքը կազմել է 9, 324.3 մլրդ դոլար, որից 8, 847.1 մլրդ դոլարը ՀՀ կառավարության պարտքն է: Հայաստանի խոշոր վարկատու երկրների շարքում առաջին տեղում  ՌԴ-ն է՝ հանրապետության կառավարության արտաքին վարկերի եւ փոխառությունների 7,6% - ով: