Արմինֆո. Հայաստանի ապահովագրական հատվածը 2022 թվականի առաջին եռամսյակի արդյունքներով պետական գանձարան հարկային վճարումներն ավելացրել է տարեկան 35,3 տոկոսով՝ ապահովելով 667,7 մլն դրամ ծավալ: Այդ գումարի 85,9%-ը կամ 574.2 մլն դրամ վճարվել է ուղղակի հարկերի գծով, ինչը 37%-ով բարձր է տարեկան վաղեմության ցուցանիշից։ Այդ մասին են վկայում ՀՀ պետեկամուտների կոմիտեի տվյալները։
2022 թվականի առաջին եռամսյակի հարկային վճարումների գծով ապահովագրական ընկերությունների շարքում առաջատար է "Նաիրի Ինշուրանս" ԱԸ-ն, որը 1000 խոշոր հարկատուների ցանկում զբաղեցրել է 258-րդ տեղը (նախորդ տարվա 522-րդի դիմաց)՝ պետբյուջե վճարելով 219.3 մլն դրամ, որից 200.3 մլն՝ ուղղակի հարկերի գծով:
"ԻՆԳՈ Արմենիան" ցուցակում զբաղեցրել է 322-րդ տեղը (նախորդ տարվա 313-րդի դիմաց)՝ պետբյուջեն համալրելով 170.1 մլն դրամով, որից 143.9 մլն՝ ուղղակի հարկերի գծով։
"Ռոսգոսստրախ Արմենիա" ԱԸ-ն զբաղեցրել է 347-րդ տեղը (2021թ. առաջին եռամսյակի 306-րդի դիմաց) ՝ պետբյուջե վճարելով 160.2 մլն դրամ, որից 133.8 մլն՝ ուղղակի հարկերի գծով:
"Արմենիա ինշուրանս" ԱԸ-ն առաջացել է 845-րդ տեղ (նախորդ տարվա 939-րդ տեղից)՝ պետբյուջե ուղղորդելով 63.8 մլն դրամ, որից 53.7 մլն՝ ուղղակի հարկերի գծով:
Ապահովագրական ընկերությունների 5-յակը եզրափակում է "Սիլ Ինշուրանս" ԱԸ, որը զբաղեցրել է 977-րդ տեղը (նախորդ տարվա 818-րդի դիմաց)՝ պետբյուջե վճարելով 54.3 մլն դրամ, որից 42.3 մլն՝ ուղղակի հարկերի գծով։
Նշենք, որ Հայաստանում գործող 6 ապահովագրական ընկերություններից առաջին եռամսյակի արդյունքներով Հայաստանի 1000 խոշոր հարկատուների ցանկում չի հայտնվել "ՌԵՍՈ" ԱԸ, որն այդ ժամանակահատվածն ավարտել է շահույթով։ Կան նաեւ այլ ֆինանսական կազմակերպություններ (բանկեր եւ վարկային ընկերություններ), որոնք աշխատել են շահույթով, բայց 1000 խոշոր հարկատուների ցուցակում չեն ընդգրկվել, ինչը բացատրվում է այդ ցուցակի համալրմամբ պետական գերատեսչություններով։
RUB | 4.18 | -0.02 |
USD | 390.04 | -1.40 |
EUR | 415.63 | -1.21 |
GBP | 481.74 | -0.75 |
CAD | 284.60 | -0.69 |
JPY | 25.20 | -0.09 |
CNY | 53.82 | -0.22 |
CHF | 427.68 | -1.72 |