Արմինֆո.Wildberries-ը Հայաստանում բացել է ընկերության առաջին լոգիստիկ կենտրոնը, ինչի շնորհիվ տեղական բիզնեսի ներկայացուցիչները հնարավորություն են ստացել իրենց ապրանքները վաճառել "Մարկետփլեյս" մոդելի առցանց հարթակում (վաճառողների սեփական պահեստներից):
Ինչպես ասված է ռուսական օնլայն-ռիթեյլերի պաշտոնական հաղորդագրությունում, իրական ժամանակի ռեժիմով ձեռնարկատերերը տեղեկատվություն են ստանում պատվերների մասին եւ ապրանքները հասցնում տեսակավորման կենտրոն, որտեղից վերջիններս ուղարկվում են գնորդներին: Առաջին փուլում "Մարկետփլեյս" վաճառքի մոդելի աշխատանքը Հայաստանի գործարարների համար հասանելի է միայն երկրի ներսում, սակայն ապագայում աշխարհագրությունը կընդլայնվի նաեւ այլ երկրներում, այդ թվում ՝ Ռուսաստանում:
Հաղորդվում է, որ հայ գործարարների համար այժմ գործում է seller.wildberries.ru պորտալում գրանցման պարզեցված կարգ: "Վաճառք սկելու համար բավական է կարճ գրանցում անցնել եւ տեղադրել ապրանքի մասին տեղեկատվություն", - ասվում է աղբյուրի մեջ:
Նշենք, որ 2020-2021 թթ. ուղղակի վաճառք է բացվել նաեւ Բելառուսի, Ղազախստանի եւ Ղրղզստանի բիզնեսի ներկայացուցիչների համար:
Հիշեցնենք, որ Wildberries - ը Ռուսաստանի խոշորագույն օնլայն-ռիթեյլերն է, որն աշխատում է շուկայում 17 տարի ։ Ընկերության ներկայության աշխարհագրությունն ընդգրկում է Ռուսաստանի բոլոր շրջանները, ինչպես նաեւ մի շարք արտասահմանյան երկրներ, որոնց թվում են Բելառուսը, Ղազախստանը, Հայաստանը, Ղրղզստանը եւ այլն: Wildberries-ի շրջանառությունը 2021 թվականին աճել է 93 տոկոսով եւ հասել 844 մլրդ ռուբլու: Ամեն օր Wildberries-ում ձեւակերպվում է 4 մլն պատվեր, օնլայն-ռիթեյլերի ամսական լսարանը ՝ ավելի քան 113 մլն օգտատեր (MAU):
RUB | 4.19 | 0.00 |
USD | 394.07 | -1.03 |
EUR | 420.75 | 0.36 |
GBP | 491.72 | -0.42 |
CAD | 286.47 | 0.33 |
JPY | 25.52 | -0.03 |
CNY | 54.44 | -0.14 |
CHF | 433.66 | 0.15 |