Արմինֆո.ՀՀ կառավարությունը հուլիսի 28-ին հավանություն է տվել "Հայաստանի Հանրապետության և Ամերիկայի Միացյալ Նահանգների միջև զարգացման նպատակով համագործակցության դրամաշնորհային համաձայնագիրը հաստատելու մասին" ՀՀ նախագահի հրամանագրի նախագծին:
Վաշինգտոնը Երեւանին 120 մլն դոլարի դրամաշնորհ կտրամադրի: Հայաստանի Հանրապետության եւ Ամերիկայի Միացյալ Նահանգների միջեւ զարգացմանն ուղղված համագործակցության շուրջ համաձայնագրի կնքման առաջարկությանը ՀՀ կառավարությունը հավանություն է տվել հունիսի 23-ին: Փաստաթղթի պարզաբանման մեջ ասվում է, որ համաձայնագրի նպատակն է աջակցել Հայաստանին ժողովրդավարության եւ տնտեսական կայունության ամրապնդմանն ուղղված բարեփոխումների գործընթացում:
ԱՄՆ Միջազգային զարգացման գործակալությունը (USAID) ծրագրում է իր ներդրումը բաշխել հետեւյալ կերպ. 68 մլն 565 հազար դոլար կուղղվի ժողովրդավարության առաջխաղացմանը, իսկ 51 մլն 435 հազար դոլար ՝ տնտեսական անվտանգության բարձրացմանը:
Փաստաթղթում նշվում է, որ, հաշվի առնելով Լեռնային Ղարաբաղի դեմ պատերազմի եւ COVID - 19 համաճարակի հետեւանքով առաջացած ցնցումները, ինչպես նաեւ 2021 թվականի արդար եւ թափանցիկ խորհրդարանական ընտրությունները, Ամերիկայի Միացյալ Նահանգները պարտավորվում է աջակցել Հայաստանի Հանրապետությանը արդյունավետ եւ հաշվետու կառավարման հաստատման, ժողովրդավարական ձեռքբերումների պահպանման, ինչպես նաեւ տնտեսական մարտահրավերների հաղթահարման գործում:
RUB | 4.27 | 0.00 |
USD | 394.46 | -0.25 |
EUR | 425.62 | -1.93 |
GBP | 497.65 | -0.91 |
CAD | 290.11 | -0.27 |
JPY | 26.06 | -0.05 |
CNY | 54.57 | -0.05 |
CHF | 435.72 | -0.13 |