Արմինֆո. ՀՀ էկոնոմիկայի նախարարությունը մշակում է կառավարության որոշման նախագիծ, որի համաձայն, բազմահարկ շենքերի սպառողների ջրամատակարարումն ապահովող շուրջ 200 պոմպակայաններ կփոխանցվեն "Վեոլիա Ջուր" ընկերության հավատարմագրային կառավարմանը: Այդ մասին օգոստոսի 24-ին ճեպազրույցի ժամանակ հայտարարել է էկոնոմիկայի նախարար Վահան Քերոբյանը։
Նրա խոսքով, այդ պոմպակայանների փոխանցումը հնարավոր չէ իրականացնել սովորական ռեժիմով, եւ այդ պատճառով հատուկ որոշում է նախապատրաստվում: Այսպիսով, ինչպես նշել է նախարարը, այդ շենքերի բնակիչները կդառնան "Վելլիա Ջուր" ընկերության օրինական բաժանորդներ: Այս պահին, ըստ Քերոբյանի, այդ շենքերի բնակիչները ստիպված են գումար վճարել համատիրություններին կամ այդ շենքերի այլ կառավարիչներին՝ ջրամատակարարման ծառայությունների համար: Քերոբյանը նշել է, որ հաճախ անհրաժեշտություն է առաջանում շտապ միջոցներ ձեռնարկել արդյունավետ ենթակառուցվածքներ ստեղծելու համար։
