Հայաստանն առաջին կիսամյակում զգալիորեն ավելացրել է ոսկու արտահանումը

Արմինֆո. 2022 թվականի առաջին կիսամյակում Հայաստանն արտահանել է 2 514,8 կգ ոսկի (ներառյալ գալվանական փոշիացումը), ինչը մեկ տարվա վաղեմության ցուցանիշից ավելի է 76%-ով: Էապես աճել է նաև արտահանվող ոսկու մաքսային արժեքը' 75% - ով' կազմելով 93.9 մլն դոլար: Այդ մասին են վկայում ՀՀ մաքսային ծառայության տվյալները:

Հաշվետու տարում Հայաստանը ոսկու առյուծի բաժինը արտահանել է Հնդկաստան (83,1%), իսկ մնացած ծավալը՝ Թուրքիա (14%), ԱՄԷ (2,5%) եւ Իտալիա (0,3%):

Ընդ որում, ներմուծվել է 692,2 կգ ոսկի, ինչը մեկ տարվա վաղեմության ծավալից  ավելի է 8%-ով, և նույնքան աննշան աճել է ներկրվող ոսկու մաքսային արժեքը՝ 2,7% - ով՝ մինչև 37.9 մլն դոլար։

Հայաստան ոսկի մատակարարող երկրների թվում առաջատարը Ռուսաստանն է (64 տոկոս), որին հետեւում են ԱՄԷ-ն (19,8 տոկոս) եւ ԱՄՆ-ը (15,9 տոկոս), իսկ մնացած չնչին ծավալը ստացվում է Շվեյցարիայից (0,8 տոկոս) եւ Ֆրանսիայից (0,2 տոկոս):