Արմինֆո.Սեպտեմբերի 26-ին առցանց ձևաչափով կայացել է ՀՀ-ԵՄ Համապարփակ և ընդլայնված գործընկերության համաձայնագրի (ՀԸԳՀ) ներքո գործող Աշխարհագրական նշումների ենթակոմիտեի երրորդ նիստը, որը հայկական կողմից նախագահում էր նախարարի տեղակալ Ռաֆայել Գևորգյանը։
Էկոնոմիկայի նախարարության հաղորդագրության համաձայն, հանդիպմանը մասնակցում էին նաև նախարարի տեղակալներ Արման Խոջոյանն ու Արմեն Արզումանյանը։
Նիստի ընթացքում քննարկվել է ՀՀ-ԵՄ ՀԸԳՀ-ով ամրագրված «Շամպայն» և «Կոնյակ» աշխարհագրական նշումների վերաբերյալ դրույթների իրականացման ուղղությամբ տարվող աշխատանքների ներկա վիճակը:
Ներկայացվել են աշխարհագրական նշումների վերաբերյալ երկկողմ օրենսդրական զարգացումներն ու ցանկերի փոփոխությունները:
