Մյասնիկովիչ. ԵԱՏՄ-ում հավանության են արժանացել փոխադարձ առևտրում նոր արգելքների բացառման երկարաժամկետ միջոցառումները

Արմինֆո.ԵԱՏՄ-ում հավանության են արժանացել փոխադարձ առևտրում նոր արգելքների բացառմանն ուղղված երկարաժամկետ միջոցառումները։ Այդ մասին հայտարարել է ԵՏՀ կոլեգիայի նախագահ Միխայիլ Մյասնիկովիչը՝ Երևանում Եվրասիական միջկառավարական խորհրդի նիստի ամփոփիչ մամուլի ասուլիսի ժամանակ։

«Լրջորեն քննարկվել է ապրանքների և ծառայությունների փոխադարձ առևտրի խոչընդոտները վերացնելու հարցը: Հաճելի է նշել, որ կառավարությունների ղեկավարները համակարծիք էին, որ այսօր առկա խոչընդոտները պետք է հնարավորինս վերացնել արդեն ընթացիկ տարում, և, որ ամենակարևորն է, չստեղծել նորերը։ Եվ դրա համար հաստատվել են համապատասխան երկարաժամկետ միջոցառումներ», - ասել է նա:

Այդ կապակցությամբ ԵՏՀ ղեկավարը նշել է, որ սա բավականին լուրջ հեռանկար է, որը թույլ է տալիս բիզնեսին բավական լավատեսորեն նայել ձեռներեցության զարգացմանը։ Նա տեղեկացրել է, որ ԵԱՏՄ-ում բավականին հաջողությամբ մշակվում են նաև միջազգային համագործակցության հարցերը, որը նպատակաուղղված է Իրանի, Հնդկաստանի, ԱՄԷ-ի և Ինդոնեզիայի հետ ԵԱՏՄ ազատ առևտրի գոտու մասին պայմանագրեր նախապատրաստմանը։ «Միության նկատմամբ հետաքրքրությունը բավականին մեծ է, և այս առումով ես կարծում եմ, որ մենք կհամալրվենք նոր անդամներով, հնարավոր է, դիտորդների, գուցե նաև լիիրավ անդամների կարգավիճակով", - ասել է նա, նշելով, որ ԵԱՏՄ-ի հետ ավելի սերտ աշխատանքի նկատմամբ մեծ շահագրգռվածություն ունի նաև Շանհայի համագործակցության կազմակերպությունը (ՇՀԿ)։

ԵՏՀ կոլեգիայի նախագահն ընդգծել է, որ միջկառավարական խորհրդի նիստի շրջանակներում քննարկվել է, ընդհանուր առմամբ,  23 հարց։

Նշենք, որ Ղրղզստանի վարչապետ, միջկառավարական խորհրդի նիստին նախագահող Ակիլբեկ Ժապաևը հաղորդել է, որ ԵԱՏՄ երկրների կառավարությունների ղեկավարների երևանյան հանդիպման ընթացքում տեղեկատվություն է լսվել գազի, նավթի և նավթամթերքի ընդհանուր շուկաների ձևավորման վերաբերյալ միջազգային պայմանագրերի նախապատրաստման ընթացքի մասին, քննարկվել է ԵԱՏՄ շուկայում խոչընդոտների վերացման իրավիճակը, որոշում է կայացվել արդյունաբերական կոոպերացիոն նախագծերի ֆինանսավորման աղբյուրների և մեխանիզմների մասին: Նիստի արդյունքովում կառավարությունների ղեկավարները համաձայնագիր են ստորագրել ԵԱՏՄ շրջանակներում գյուղմթերքի պահեստային վկայականների թողարկման, շրջանառության, մարման կանոնների մասին:

ՀՀ վիճակագրական կոմիտեի տվյալներով՝ 2022 թվականի հունվար-օգոստոս ամիսներին ԵԱՏՄ երկրների հետ Հայաստանի առևտրաշրջանառությունը կազմել է 2.8 մլրդ դոլար, տարեկան աճի կտրուկ արագացմամբ՝ 11% - ից մինչև 74.1%, ինչպես արտահանման 2 անգամ (30.8% - ից մեկ տարի առաջ)  շոշափելի աճի ֆոնին՝ մինչև 1.1 մլրդ դոլար, այնպես էլ ներմուծման՝ 58.7% - ով (2.9% - ից մեկ տարի առաջ)՝ մինչև 1.7 մլրդ դոլար: