Արմինֆո.Խորհրդային միության տարիներին մշակված ու տասնամյակներ շարունակ թղթի վրա մնացած Երևանի մետրոպոլիտենի 11-րդ՝ Աջափնյակ կայարանի կառուցման ծրագիրը մտել է գործնական փուլ: Այդ մասին հաղորդում է Երեւանի քաղաքապետարանի մամուլի ծառայությունը:
«Աշխատանքների ընթացքն ու ծրագրի մանրամասները մետրոշինարարաներն ու «Մետրոգիպրոտրանս» ընկերության տնօրենների խորհրդի նախագահ Վալերի Աբրամսոնը ներկայացրել են Երևանի քաղաքապետի տեղակալ Տիգրան Ավինյանին», - ասվում է հաղորդագրությունում:
Հիշեցնենք, որ 2021 թվականի նոյեմբերի վերջին ռուսական առաջատար "Մետրոգիպրոտրանս" ընկերությունը շահել է Երևանի քաղաքապետարանի կողմից հայտարարված մրցույթը՝ մայրաքաղաքի համանուն վարչական շրջանում մետրոյի "Աջափնյակ" կայարանի նախագծման համար։ Նախագծի նախնական տարբերակը, ինչպես ասում էր Երևանի նախկին քաղաքապետ Հայկ Մարությանը, ենթադրում է Հրազդանի վրայով կամրջի կառուցում՝ միայն մետրոպոլիտենի համար, "Մետրոգիպրոտրանս" - ն առաջարկում է կառուցել նաև երկրորդ հարկ՝ ավտոմեքենաների և հետիոտների համար։ Հայտարարվել է, որ նախընտրելի է ստորգետնյա մետրոյի կայարանի կառուցումը, քանի որ այն շատ ավելի հարմար է մետրոյից օգտվող մարդկանց համար և թույլ է տալիս զարգացնել տարբեր ենթակառուցվածքներ: "Մետրոգիպրոտրանսի" տնօրենների խորհրդի նախագահ Վալերի Աբրամսոնը Հայաստանի կառավարությանը առաջարկել է նաեւ մետրոյի զարգացման 500 մլն դոլար արժողությամբ նախագիծ:
« պատրաստ է բարենպաստ պայմաններով աջակցել ծրագրին: Այդ միջոցներով մենք կկարողանանք արդիականացնել հին մետրոյի ենթակառուցվածքը, ինչպես նաև պլանավորել քաղաքի այն հատվածները, որոնց ուղղությամբ կայարանները կարող են ընդլայնվել", - ասել է Աբրամսոնը:
Ավելի վաղ հաղորդվել էր, որ Արտահանման վարկերի և ներդրումների ապահովագրության ռուսական գործակալության հետ վարկային համաձայնագրի հաստատման դեպքում շինարարական աշխատանքները կտևեն շուրջ 1.5 տարի: Քաղաքային իշխանությունների ծրագրի համաձայն, մինչեւ մետրոյի նոր կայարան 525 մետր երկարությամբ ճանապարհը պետք է անցնի թունելի միջով, որի շինարարությունը սկսվել է ԽՍՀՄ-ի օրոք և մնացել է անավարտ։
