Մարտին Գալստյան. Հայաստանում գնաճի արտաքին պահանջարկի գործոնն ուժեղանում է զորահավաքից փախչող ռուսաստանցիների նոր ներհոսքի պատճառով

Արմինֆո.Հայաստանում տարեկան գնաճի մակարդակը սեպտեմբերին հասել է 9,9 տոկոսի ՝ հավասարվելով ԵՄ երկրների ցուցանիշին։ Իրավիճակը մտահոգիչ է՝ զորահավաքի մասին ՌԴ նոր հայտարարությունների առնչությամբ, ինչի պատճառով Հայաստան է խուժել մարդկանց նոր հոսք, ինչը, բնականաբար, ուժեղացնում է արտաքին պահանջարկի ազդեցությունը երկրում գնաճի մակարդակի վրա։

Այդ մասին հոկտեմբերի 31-ին հայտարարել է ՀՀ Կենտրոնական բանկի նախագահ Մարտին Գալստյանը խորհրդարանական լսումների ժամանակ՝ ներկայացնելով ՀՀ 2023թ. պետական բյուջեի նախագիծը։

Այս համատեքստում ԿԲ ղեկավարը նշել է, որ իրականացվող բոլոր քաղաքականությունները պետք է ուղղված լինեն գնաճի զսպմանը և այն հասցնեն թիրախային ցուցանիշի՝ հաջորդ տարվա ընթացքում:

Նշենք, որ 2022թ. սեպտեմբերին 9,9% մակարդակի պաշտոնական տարեկան գնաճի դեպքում (նախորդ տարվա 8,9% - ի դիմաց) բազային գնաճը (հաշվարկված ՀՀ ԿԲ-ի կողմից) նույն ժամանակահատվածում կազմել է 10,5% (մեկ տարի առաջվա 8%-ի դիմաց)։

Հիշեցնենք, որ ՀՀ Վիճակագրական կոմիտեի տվյալներով, հունվար-սեպտեմբերին Հայաստանի սպառողական շուկայում արձանագրվել է 8,6 տոկոս գնաճ (մեկ տարվա վաղեմության 6,7 տոկոս գնաճի դիմաց), որին նպաստել են պարենային ապրանքների 13 տոկոս թանկացումը, ոչ պարենային ապրանքների 6,8 տոկոս թանկացումը և ծառայությունների սակագների 4,5 տոկոս բարձրացումը՝ նախորդ տարվա, համապատասխանաբար, 9,8 տոկոս, 8,5 տոկոս և 1,9 տոկոս աճի դիմաց: Սպառողական շուկայում գների միջին ամսական աճը 2022 թվականի հունվար-սեպտեմբերին կազմել է 0,6%՝ նախորդ տարվա 0,4% աճի դիմաց։

2022թ. սեպտեմբերին  2021թ. Սեպտեմբերի համեմատ սպառողական գներն աճել են 9,9% - ով (նախորդ տարվա 8,9% աճի դիմաց) պարենային ապրանքների 13,1% և ոչ պարենային ապրանքների 8,1% թանկացման հաշվին, ծառայությունների սակագների 7,5% բարձրացման դեպքում, մինչդեռ, մեկ տարի առաջ (2021թ. սեպտեմբերին 2020թ. սեպտեմբերի համեմատ) պարենային և ոչ պարենային ապրանքների գների աճը եղել է ավելի բարձր, համապատասխանաբար, 14,7% և 9,9%, իսկ ծառայությունների սակագների աճը՝ 1,6%: