Արմինֆո.FLYONE ARMENIA ազգային ավիաընկերությունը դեկտեմբերի 16-ից ուղիղ թռիչքներ է իրականացնելու դեպի Դուբայ՝ շաբաթական 2 չվերթ հաճախականությամբ՝ երկուշաբթի և ուրբաթ օրերին։ Այդ մասին ֆեյսբուքյան իր էջում հաղորդել է ավիաընկերության խորհրդի նախագահ Արամ Անանյանը։
Արժեքների և այլ ծառայությունների վերաբերյալ հավաստի տեղեկատվություն ստանալու համար կարելի է այցելել ընկերության պաշտոնական կայք՝ www.flyone.am:
Հիշեցնենք, որ FLYONE ARMENIA - ն թռիչքներ է իրականացնում դեպի Մոսկվա, Սանկտ Պետերբուրգ, Սոչի, Եկատերինբուրգ, Միներալնիե Վոդի, Քիշնև, Փարիզ, Լիոն, Թբիլիսի, Բեյրութ և Ստամբուլ։ Ավիաընկերության օդային նավատորմը բաղկացած է Airbus A320 և Airbus A319 ինքնաթիռներից։ Օդանավերը համապատասխանում են օդային տրանսպորտի միջազգային ասոցիացիայի (IATA) և EASA անվտանգության բոլոր չափանիշներին: Վերջերս ընկերությունը հայտարարել է, որ 2022 թվականի առաջին 10 ամիսների ընթացքում "Զվարթնոց" միջազգային օդանավակայանի միջոցով ավելի քան 300 000 ուղևոր է տեղափոխել։
Ընկերությունը հիմնադրվել է 2021 թվականին։ Հոկտեմբերի 27-ին ՀՀ քաղաքացիական ավիացիայի կոմիտեն ընկերությանը տրամադրել է օդանավի շահագործողի վկայական: Ընկերությունը ստացել է IATA 3F երկնիշ և ICAO FIE եռանիշ կոդեր:
RUB | 4.16 | -0.01 |
USD | 388.00 | 0.19 |
EUR | 416.21 | 0.59 |
GBP | 486.55 | 0.66 |
CAD | 283.50 | -0.55 |
JPY | 24.73 | -0.15 |
CNY | 53.58 | 0.02 |
CHF | 425.72 | 0.26 |