Արմինֆո. ACSES վերլուծական կենտրոնի ղեկավար Հայկազ Ֆանյանը, հիմնվելով ս.թ. 9 ամիսների վիճակագրության վրա, կասկածում է Հայաստանի տնտեսության պատմական ռեկորդ սհամանելու կարողությանը։
"2022թ-ի հունվար-սեպտեմբեր ամիսների տվյալներով ՀՆԱ-ի աճը եղել է 12.6%, ամենայն հավանականությամբ, պատմական ռեկորդ չի արձանագրվի և 2022թ-ի տնտեսական աճը կլինի 13.1-13.7% միջակայքում", - գրել է տնտեսագետը Facebook-ի իր էջում:
Նշենք, որ Հայաստանի ՀՆԱ-ի ամենաբարձր աճն արձանագրվել է 2005 թվականին՝ 13,9 տոկոսի մակարդակում։
Հիշեցնենք, որ ս.թ. հաստատված պետբյուջեում ՀՆԱ-ի աճը նախատեսված է 7 տոկոսի չափով, բայց արդեն 2023 թվականի պետական բյուջեի նախագծով Հայաստանում տնտեսական աճը 2022 թվականին կանխատեսվում է 11 տոկոսի մակարդակում։ Միևնույն ժամանակ, ֆինանսների նախարար Տիգրան Խաչատրյանը խորհրդարանում փաստաթուղթը ներկայացնելու ժամանակ հայտարարել է, որ աճը, ամենայն հավանականությամբ, կվերանայվի դեպի բարձրացում՝ ելնելով 2022թ. հունվար-սեպտեմբեր ամիսների վիճակագրական տվյալներից: Ինքը՝ վարչապետ Նիկոլ Փաշինյանը, հայտարարել է ընթացիկ ֆինանսական տարին ՀՆԱ-ի 14% աճով փակելու հեռանկարի մասին:
Կենտրոնական բանկի գնահատականի համաձայն, աճը կկազմի 12,9%: Համաշխարհային բանկի հոկտեմբերյան կանխատեսման համաձայն, Հայաստանի ՀՆԱ-ի աճը 2022 թվականին կկազմի 7 տոկոս, իսկ ԱՄՀ կանխատեսմամբ՝ Հայաստանը տարին կփակի 11 տոկոս ցուցանիշով։
RUB | 4.37 | -0.01 |
USD | 401.96 | -0.67 |
EUR | 438.10 | -0.36 |
GBP | 511.98 | -1.33 |
CAD | 296.82 | -0.70 |
JPY | 26.96 | -0.10 |
CNY | 55.84 | -0.11 |
CHF | 455.17 | -0.60 |