Արմինֆո. Ազգային ժողովի կառավարող "Քաղաքացիական պայմանագիր" խմբակցությունը Հայաստանի Հանրապետության կենտրոնական բանկի նախագահի տեղակալի պաշտոնում առաջադրել է Արմեն Նուրբեկյանի թեկնածությունը:
Արմեն Ռոբերտի Նուրբեկյանը (ծնված 1989թ.) 2009թ. ավարտել է ԵՊՀ մաթեմատիկայի և մեխանիկայի ֆակուլտետը, 2011թ. ստացել է մագիստրոսի աստիճան: Նույն թվականին ավարտել է Հայաստանի Ամերիկյան համալսարանը՝ գործարար կառավարման մագիստրոս։ 2011-2014 թթ. սովորել է ԵՊՀ ասպիրանտուրայում (մաթեմատիկայի և մեխանիկայի ֆակուլտետ): 2015 թվականին Նուրբեկյանին շնորհվել է ֆիզիկամաթեմատիկական գիտությունների թեկնածուի գիտական կոչում:
2010թ.-ից աշխատում է ՀՀ ԿԲ-ում' որպես ՀՀ Կենտրոնական բանկի ֆինանսական համակարգի քաղաքականության և ֆինանսական կայունության բաժնի մասնագետ: 2012 - 2015թթ. ՀՀ կենտրոնական բանկի դրամավարկային քաղաքականության վարչության մակրոէկոնոմիկայի, մոդելավորման և կանխատեսման բաժնի մակրոտնտեսագետ, 2013-2016թթ. գործուղվել է Տնտեսական հետազոտությունների դեպարտամենտ (Արժույթի միջազգային հիմնադրամ, ԱՄՆ): 2015-2016թթ. աշխատել է ԿԲ Դիլիջանի ուսումնահետազոտական կենտրոնի ղեկավարի տեղակալ, 2016-2018թթ. զբաղեցրել է ԿԲ տնտեսական հետազոտությունների վարչության պետի պաշտոնը, 2018 - 2019թթ. ղեկավարել է ԿԲ Դիլիջանի ուսումնահետազոտական կենտրոնը: 2019 թվականի դեկտեմբերից առ այսօր՝ մակրոտնտեսական դեպարտամենտի տնօրեն, Դիլիջանի ուսումնահետազոտական կենտրոնի ղեկավար, ՀՀ Կենտրոնական բանկի գործադիր կոմիտեի անդամ:
RUB | 4.37 | -0.01 |
USD | 401.96 | -0.67 |
EUR | 438.10 | -0.36 |
GBP | 511.98 | -1.33 |
CAD | 296.82 | -0.70 |
JPY | 26.96 | -0.10 |
CNY | 55.84 | -0.11 |
CHF | 455.17 | -0.60 |