Թուրքիայի քաղաքացիները Հայաստանում ունեն անշարժ գույքի մինչեւ 100, իսկ Ադրբեջանի քաղաքացիները՝ մինչեւ 10 օբյեկտ

Արմինֆո. Թուրքիայի քաղաքացիների կողմից Հայաստանում ձեռք բերված անշարժ գույքի օբյեկտների թիվը չի հասնում 100 միավորի, իսկ Ադրբեջանի քաղաքացիները՝ 10-ից ոչ ավելի։

Այդ մասին դեկտեմբերի 16-ին մամուլի ասուլիսի ժամանակ հայտարարել է Անշարժ գույքի կադաստրի կոմիտեի նախագահի տեղակալ Արման Պետրոսյանը։ Ընդ որում, նա նշել է, որ Թուրքիայի կամ Ադրբեջանի քաղաքացիների մասին խոսելիս պարտադիր չէ նկատի ունենալ թուրք կամ ադրբեջանցի ազգության մարդկանց։ "Քանի որ գործարքների ծավալները փոքր են, չեմ կարծում, որ դրա վրա արժե ժամանակ ծախսել, վերլուծել", - նկատել է նա՝ դրանով իսկ պատասխանելով մամուլում հայտնված հրապարակումներին։ Պետրոսյանը նշել է, որ 450 հազար մայրաքաղաքային բնակարաններից Թուրքիայի քաղաքացիների սեփականություն հանդիսացող 50-ը վտանգներ փնտրելու առիթ չեն։ Ընդհանուր առմամբ, նա ընդգծել է, որ այս տարվա 10 ամիսների ընթացքում Հայաստանում օտարերկրյա քաղաքացիների կողմից ձեռք է բերվել անշարժ գույքի 1 581 օբյեկտ՝ տարեկան կտրվածքով 25 տոկոս աճով։ Անշարժ գույքի առքուվաճառքի գործարքների ընդհանուր կառուցվածքում, Պետրոսյանի խոսքով, օտարերկրացիներին բաժին է ընկել ընդամենը 3,6 տոկոս: