Ապահովագրական շուկան 2022 թվականն ամփոփել է ապահովագրավճարների և փոխհատուցումների պատմական առավելագույն ցուցանիշով՝ մի քանի անգամ ավելացնելով շահույթը

Արմինֆո.: Հայաստանի ապահովագրական շուկան 2022 թվականն ամփոփել է ապահովագրավճարների և փոխհատուցումների պատմական առավելագույն ցուցանիշով։

Ապահովագրավճարների երկնիշ աճը վճարումների աննշան ավելացման պայմաններում զուտ շահույթը հասցրել է 4 մլրդ դրամի (10 մլն դոլար) մակարդակի՝ տարեկան 5,5 անգամ աճով։ Դա տեղի է ունեցել նաև երեք ԱԸ-ների կորստի զրոյացման պատճառով, որոնք հասել են լուրջ շահույթի, ինչին զուգընթաց մյուս երեք ԱԸ-ներն էլ ավելի են մեծացրել իրենց շահույթը։ Այդ մասին են վկայում ԱրմԻնֆո-ի պատրաստած Հայաստանի ապահովագրական ընկերությունների ֆինանսական վարկանիշի 31.12.2022 թ. տվյալները։

Մասնավորապես, ապահովագրավճարների ծավալը 2022 թվականին աճել է 24%-ով՝ մինչև 59.3 մլրդ դրամ ($150.8 մլն), փոխհատուցումների ընդամենը 1%–ով՝ մինչև 30.3 մլրդ դրամ ($77 մլն) աճի դեպքում։ Արդյունքում ՝ ապահովագրության գծով շահույթը հասել է 29 մլրդ դրամի ($74 մլն)՝ 2022 թվականին ավելանալով 62,4%-ով։ Սա, իր հերթին, էապես ավելացրել է զուտ շահույթը, ինչի արդյունքում զգալիորեն ավելացել է նաև կուտակված շահույթը՝ 2 անգամ՝ մինչեւ 7.6 մլրդ դրամ ($19.3 մլն)՝ աճի մղելով սեփական կապիտալը՝ 19%-ով, մինչեւ 22 մլրդ դրամ ($56 մլն):

Զուտ շահույթի գծով առաջնությունը պահպանում է Նաիրի Ինշուրանսը, որը մեկ տարվա ընթացքում կարողացել է այդ ցուցանիշն ավելացնել 2 անգամ՝ մինչեւ 3.4 մլն դոլար, երկրորդ տեղը շարունակում է զբաղեցնել ԻՆԳՈ Արմենիան՝ 2.4 մլն դոլար (տարեկան 46,2% աճով), իսկ երրորդ հորիզոնականում հայտնվել Է Ռոսգոսստրախ Արմենիան՝ վնասի զրոյացման շնորհիվ՝ հասնելով լուրջ դրական մակարդակի՝ 2 մլն դոլարի (տարեկան 3,3 անգամ աճով): Դրանց զուտ շահույթի մակարդակով հետեւեւմ են Արմենիա Ինշուրանսը (1.3 մլն դոլար, 66% աճով), Ռեգո Ինշուրանսը եւ Սիլ Ինշուրանսը, որոնցից վերջին երկուսը կարողացել են վնասից հասնել դրական 395-541 հազար դոլարի՝ տարեկան 2,8-4,3 անգամ աճով:

Ապահովագրավճարների և փոխհատուցումների գերակշռությունը պահպանում են երեք ԱԸ-ներ: Շուկայի ընդհանուր ապահովագրավճարներում ամենամեծ մասնաբաժինն ապահովել է "Ռոսգոսստրախ Արմենիա" ապահովագրական ընկերությունը՝ 25,4%, որին հետեւեւմ են ԻՆԳՈ Արմենիան՝ 25,1%, Նաիրի Ինշուրանսը՝ 21,7%, Սիլ Ինշուրանսը՝ 12,1%, Արմենիա Ինշուրանսը՝ 9% և Ռեգո Ինշուրանսը (նախկինում ՝ ՌԵՍՈ) ՝ 6,7%: Իսկ ընդհանուր փոխհատուցումներում առավել մեծ մասնաբաժին ունիլ "ԻՆԳՈ Արմենիա" ապահովագրական ընկերությունը՝ 27,3%, որին հաջորդում են "Ռոսգոսստրախ Արմենիա" ապահովագրական ընկերությունը՝ 26,3%, Նաիրի Ինշուրանսը՝ 19,5%, Սիլ Ինշուրանսը՝ 13%, Ռեգո Ինշուրանսը՝ 7,7% և Արմենիա Ինշուրանսը՝ 6,2%:

ԱՊՊԱ-ն եւ առողջության ապահովագրությունն առաջատարներն են ծավալով, բայց աճի դրայվերները  զբոսաշրջության ապահովագրությունն ու բեռնափոխադրումները։ Ապահովագրավճարների կառուցվածքում գերակշռում են այնպիսի դասերը, ինչպիսիք են ԱՊՊԱ–ն և առողջության ապահովագրությունը, համապատասխանաբար, 43% և 29%, առաջինի բացարձակ արժեքի տարեկան աճը' 14,5%, իսկ երկրորդինը' 29%: Նույն դասերը գերակշռում են նաեւ փոխհատուցումներում. ԱՊՊԱ – ն՝ 52%, բժշկական ապահովագրությունը՝ 37%, առաջինի ծավալի անկումը՝ 2% , իսկ երկրորդի ծավալի աճը ՝ 21,2%: Ապահովագրավճարների և փոխհատուցումների մասնաբաժնի առումով երրորդ տեղը զբաղեցնում է գույքի ապահովագրությունը' 9,5% և 5,3%, առաջինի տարեկան ծավալի աճը 49%, իսկ երկրորդի ծավալի անկումը' 33,3%: Այնուհետև շատ ավելի փոքր մասնաբաժնով (2-5% ապահովագրավճարների գծով և 0,2-4% վճարումների գծով) հաջորդում են ԿԱՍԿՈ-ն,  դժբախտ պատահարներից, բեռնափոխադրումների, ընդհանուր պատասխանատվության, արտերկիր մեկնողների ապահովագրությունը։ Ընդ որում, ԿԱՍԿՈ ապահովագրավճարների 11% աճն ուղեկցվել է փոխհատուցումների նույնքան անկմամբ, դժբախտ պատահարներից ապահովագրության ապահովագրավճարների աճը գրանցվել է 9% - ով ՝ վճարումների 23% աճի դեպքում, բեռնափոխադրումների ապահովագրության գծով ապահովագրավճարների 49% աճն ուղեկցվել է վճարումների 3,4 անգամ աճով, ընդհանուր պատասխանատվության ապահովագրության  գծով ապահովագրավճարները 32%-ով նվազել են՝ փոխհատուցումների 4,3 անգամ աճի պայմաններում, իսկ զբոսաշրջության ապահովագրության գծով բարձր աճ են գրանցել ինչպես ապահովագրավճարները՝ 67%, այնպես էլ փոխհատուցումները՝ 89%։