Չորեքշաբթի, 1 Մարտի 2023 10:52

Արմինֆո. Ասիական զարգացման բանկի (ԱԶԲ) պատվիրակությունը՝ «Ճանապարհային դեպարտամենտ» հիմնադրամի գործադիր տնօրենի տեղակալ Նարեկ Զուլալյանի և Հյուսիս-Հարավ ճանապարհային միջանցքի Տրանշ-4 ծրագրի ղեկավար Արթուր Սանոյանի ուղեկցությամբ այցելել է Հյուսիս-Հարավ ճանապարհային միջանցքի Տրանշ-4-ի Սիսիան-Քաջարան ճանապարհահատվածում կառուցվելիք Բարգուշատի թունելի հյուսիսային պորտալ։

 

«Ճանապարհային դեպարտամենտ» հիմնադրամի հաղորդագրության համաձայն, ԱԶԲ գործադիր տնօրենի տեղակալներ Կարեն Մյուրեյը, Մուշամի Խանը, Ալբերտո Սերդանը և ԱԶԲ հայաստանյան մշտական առաքելության ղեկավար Պաոլո Սպանտիգատին տեղում ծանոթացել են նոր կառուցվելիք Սիսիան-Քաջարան մոտ 60կմ ճանապարհահատվածի (ներառյալ Բարգուշատի թունելի) ծրագծին, նախագծային մանրամասներին։

 

Հիշեցնենք, որ Սիսիան-Քաջարան 60 կմ երկարությամբ նոր ճանապարհը լինելու է երկրորդ տեխնիկական կարգի։ Այն կանցնի լեռնային բարդ ռելիեֆով, կներառի 27 կամուրջ ՝ 4,7 կմ ընդհանուր երկարությամբ, եւ 9 թունել ՝ 12,5 կմ ընդհանուր երկարությամբ (Բարգուշատի ամենաերկար թունելը ՝ շուրջ 8,6 կմ երկարությամբ): Այս նախագծով ավարտվել է միջազգային մրցույթի նախաորակավորման փուլը, որին մասնակցության հայտ են ներկայացրել 23 ընկերություններ Եվրոպայից, Չինաստանից և այլ երկրներից: ԵՄ կողմից Հայաստանին տրամադրվող 2,6 մլրդ եվրո ընդհանուր ֆինանսական աջակցության փաթեթից առաջիկա հինգ տարիներին 600 մլն եվրոն կուղղվի Քաջարան-Սիսիան ճանապարհի կառուցմանը: Եվս 150 մլն դոլար կտրամադրի Կայունացման և զարգացման եվրասիական հիմնադրամը, որի միջոցները տնօրինում է Եվրասիական զարգացման բանկը ։ 500 մլն դոլար արդեն տրամադրել է ԱԶԲ-ը ։ Ճանապարհի 60 կմ երկարությամբ հատվածը կլինի 80 կմ/ժ հաշվարկային արագությամբ։

 

"Հյուսիս-Հարավ" նախագիծը թույլ կտա իրանական սահմանից մինչև վրացական սահման հեռավորությունը 556 կմ-ից կրճատել մինչև 490 կմ։ Ճանապարհը զգալիորեն կհեշտացնի դեպի Սև ծով ելքը ոչ միայն Հայաստանի, այլև Իրանի համար ։ Նախագիծը ելք կապահովի դեպի Սև ծով և դեպի եվրոպական երկրներ՝ Հայաստանի (Մեղրի - Կապան - Գորիս-Երևան - Աշտարակ - Գյումրի - Բավրա) և Վրաստանի տարածքով ։ Միջանցքի շինարարությունն ի սկզբանե նախատեսվում էր ավարտել 2019 թվականին։ Ծրագրի արժեքը մշտապես վերանայվել է դեպի բարձրացում։ 2012թ. սեպտեմբերին, երբ սկսվեց ավտոմայրուղու շինարարությունը, գումարը, որը նշում էին Հայաստանի կառավարության ներկայացուցիչները, մի քանի անգամ պակաս էր ՝ 962 մլն դոլար, այսօր խոսքը մոտ 3 մլրդ դոլարի ներդրումների մասին է։